اخت زوجي أروح اوجبها ولا لا

السلام عليكم 

الحمدلله تزوجت من فتره واهل زوجي ناس طيبين وماعليهم  

زوجي ماعنده الا اخت وحده 
وللاسف لما اتخطبت ماجات مع امه ولا باركت لي ولا اهدتني شي وبيوم فرحي ماسلمت علي.

طبعا هي عامله حزب مع سلفاتي وهمز ولمز وانا طنااااااااااش
   
ولما ازورهم بيوم الخميس ماتكون موجوده  لأنهم يجتمعو بيوم خاص فيهم 


المهم هي ولدت بالسلامه وجات لبيت اهلها وانا طبعا راح اقابلها اذا زرت عمتي 


ماعرف هل أوجبها ولا أطنشها ...

وبعدها بفتره وحده من سلفاتي حتولد والثانيه حتعمل عمليه وتقوم بالسلامه يارب

لازم اذا رحت لاخت زوجي اروح لهم  كلهم ...
وهما ماكلفو ع نفسهم يباركو لو بالكلام 

احترت وزوجي يقول بكيفك ماجبرك على شي

29 تعليق 7,504 مشاهدة

شاركي في النقاش

سجلي الدخول لإضافة تعليق.

التعليقات

26
  1. @um_lamoo

    عزيزتي انتي اعملي باصلك
    مو شرط تهديكي ع زواجك
    يمكن ساااهمت وسااعدت زووجك ع تكاليف الفرح.. فاعتبرتها هديه.. عادي جدا... انا كمان اخوات زوجي.. مااهدوني بس والله ساااهمو وشاالو كثير عن زوجي في الفرح. .وقالو دي هديتنا لكم


    اما بالنسبه لهديه ولادتها
    فانتي اهديها
    عشان اصلك وتربيتك
    ومو شرط تروحي وقت مايكون عندها حريم كثير
    روحي بدري مع زوجك.. ع اساس عندك مشوار ولا حاجه
    وادخلي معاه و حمديلها بالسلامه واهديها
    ونفس الشي لسلفاااتك

    تهادو تحابو
    وبيكفهم يبغو يوجبوك في مناسباااتك دا شي راجع لهم لا تتحسي
    انتي اعملي بالشي اللي يخليكي راضيه ع نفسك و تخلي زوجك مبسوط
    و قبل كل شي ترضي ربك
    لا تكوني حسوده وغيوره انتبهي

    و ربنا بيوفقك
  2. انا من رأي واجبها عسى الله ان يصلح قلبها عليكِ وتصير زينه معاكِ وانتي كوني احسن منها 
    والواجب تعتبر مثل الهديه والرسول عليه صلاة وسلام يقول تهادوا تحابوا
  3. @taab_klby_31

    شوفي انا بزواجي لاحمواتي ولاسلفتي اهدوني بس اعتقد شاركو زوجي بتاثيث الشقه لكن سلفتي لما ولدت وجبتني

    انت اعملي بااصلك خذي ثلاجة قهوه وشاهي وحلا ومعجنات وهديه لها وللبيبي وسلفاتك نفس الشي واذاربي كتب لك حمل ولدتي ولااحد وجبك اسحبي نفسك منهم وخلاص يصير انت قدمت اللي عليك ورايتك بيضا فهمتي

    لاتحطين ببالك ذحين انت لسه جديده عليهم ممكن لانك اصغر بالعمر منهم او حاسين فارق العمر كبير انت اهم شي سوي اللي عليك ابتغاء الاجر ثم رضا زوجك وماتدرين يمكن بهديتك ترتاح لك النفوس

تابعي تجارب أخرى من هذا القسم.