ياعيني عالبنات بس وراكم كذا خلوا كلن في حاله غيرت ماغيرت شيء راجع لها البعض منهم
تطيح في زوج عللله يمنعها من كل شيء ويجبرها تغير كل شيء وش تسوي بعمرها ذي تقعد هي وإياه
حرب وقومه وقعدة عشان حساب في البرنامج الفلاني ولا العلاني بعدين أنا أككككره اللي يقارن بين
البنت والشاب بعد الزواج يقولون الشباب ماتغيروا بس البنات هن اللي يتغيرن ويصدن غصب بتتغير
وتصد شوي في حياتها الجديدة ومسؤولياتها هالرجال اللي مقدسينه وفرحانيين انه ماتغير على أخوياه ترا هو
نفسه اللي منع البنت من الطلعة مع صديقاتها أو أجل طلعتها لأنه هو المسؤول وصاحب الكلمة المسموعة
ولو جلست هي وإياه معارك عشان طلعاتها مع صديقاتها وتطلقت عشان هالشيء أووول من بيلومها وينقد
عليها هالصديقات أنا عني تزوجت وماغيرت شيء بس مو كل الناس وتفكيرهم وأزواجهم واحد لازم ألتمس
العذر إذا فعلا عادتها صديقة، لي صديقة تزوجت وصدت سنيييين ماندري عنها ورجعت ووضعنا جدا طبيعي معها
حتى ماسألناها ليش صدت هي لحالها مع السواليف كشفت لنا كيف كانت عايشة تزوجت وحملت علطول وحامها
صعب وطفلها جابته مريض وحاله الله يعينها ماتواصلت مع العالم الخارجي <<متعوب عليها ذي ترا هههه>>
إلا بعد ماكبر ولدها وخف الحمدلله الوضع بسيط جدا بس فيه من يلتمس عذر وفيه من يسيء الظن بكل بساطة
إذا جت صديقتك تبي ترجع العلاقة وأنتِ مو مقتنعة لاترجعينها وعساك سالمة ولافيها لا ذل ولا إهانة تكون إهانة
لو شافتك وصدت عنك أو اجتمعتوا بمكان وماسلمت عليك هنا فعلا يحق للوحدة تنغبن وتتضايق بس مجرد صده
بدون مشاكل لا والله أدور أعذار لخيتي مهما كان ولاتقارنون بين الشباب والبنات الشاب حر نفسه وماعليه منقود
البنت كل مايتعلق فيها مرتبط بهالزوج بعض الأزواج يكون متفهم وفري والبعض الآخر عكككس ذلك
والله يسخر لبنات المسلمين .
بيتزوجون او يروحون يجاهدون
متابعة النقاش، صفحة 3