شاركي في النقاش

سجلي الدخول لإضافة تعليق.

التعليقات

35
  1. @aashky_byty

    لا حوال ولا قوه الى با لله. يا أختي جربي طريقه الشيخ المشيقح تحصيلها في النت الصراحة وصفه سحرية ان شاء الله ربي يفرجها عليك
  2. @am_ltyn_5

    حبيبتي لاتخلين ببالك ان المجتمع ينظر لك انك مطلقه مره ثاااااانيه انا أشوف انك تشترين راحة بالك لان ان تطلقتي او جلستي على ذمة كلام الناس مابيخلص انتي أستخيري الله بالطلاق والبقاء على ذمته واللي يريحك سويه
  3. @fatn_43

    يابنت الناس انتي ماتبغي طلاق
    طيب لا سمح الله هو طلق؟
    ايش بتستفيدي؟
    استخيري الله واقعدي بيت اهلك
    ايش الشر الموجود ببيت اهلك؟
    ماشاءالله عندك اخوان قولي يارب لك الحمد ولك الشكر
    خلاص فكيه وقفي اتصالات باين انه مصدوم ماكان متوقع الزواج التاني كدا
    وعرف انه اخطأ في زواجه منك
    مو بس انتي اخطأتي
    ارحمي نفسك كفاية توسل وترجي
    قلتي دقيتي ومارد ورسلتي ومارد
    طيب لو استمريتي تدقي وترسلي حتكسبيه؟؟؟؟؟؟؟؟؟؟؟
    وقفي اتقلي خليه يدور وراكي
    هو دحين مو فاضيلك فاضي يراضي في الأولى
    لأنها هي زعلت وراحت يبغى يردها
    وانتي بس تجري وراه
    سوي زيها خليه يدور وراكي
    ياريت فيه خير لك
    وقت نزفتي قعدتي تستنيه يوديكي بنفسه؟
    انتي اللي زي حالتك تفتح الباب وتخرج بدون رضاه
    لأنك في حالة حرجة
    او تتصلي بالإسعاف وتحرجيه
    حلوة اموت وانزف علشان خايفة تطلقي
    ايش بك كدا كارهة نفسك
    ليش كدا اخدة فكرة عن المطلقة انها نقطة سودا في حياة اهلها
    بالعكس اتطلقتي وربي حررك وفكك قمتي تتزوجي غصب عنك
    كيف يعني ماكان ودك واتزوجتيه؟
    انتي كنتي تبغي تتزوجي بس من اجل الزواج
    مش من اجل سعادتك وراحتك
    من أجل وجود رجل في حياتك وكأنك ناقصة بدونه
    يمكن تبغي تقهري طليقك وانك اتزوجتي ولسة مرغوبة
    للاسف
    اخطأتي في حق نفسك
    لنفسك عليكي حق
    بس ابغى افهم نقطة مهمة
    تقولي بيت اهلك صعب
    وحياتك في بيت زوجك سهلة؟
    ابغى افهم انتي مرتاحة معاه؟
    تقولي مابغى ارجع بيت اهلي عيشتهم صعبة في حال كنتي مبسوووووطة في بيت زوجك
    وشايلك شيل
    اما متنكدة وبتنفجري من القهر ؟
    وترى ماحد ظلمك انتي ظلمتي نفسك
    ياريتك حتى تحبيه والا بينكم عشرة غاصبة نفسك غصب عليه
    اقرئي لناعمة الهاشمي اتعلمي كيف تكسبي زوجك بدل ماتحطي يدك على خدك وتبكي
    الجئي لله وقولي يارب اني ظلمت نفسي ظلما كثيرا ولا يغفر الذنوب الا انت.
    اسأل الله ان ينير بصيرتك ويفرج همك عاجلا غير آجل ويلين قلب زوجك عليكي ويسخره لكم.

تابعي تجارب أخرى من هذا القسم.