عسى جسمها يتحرم على النار الي عندها تجربة و تفيدني ..

السلام عليكم ..

بقولكم قصتي بأختصار ..

أنا تزوجت ولد خالتي وعشنا مع بعض سنتين ونص ، ذقت فيها أنواع الأهانات منه ومن خواته حسبي الله عليهم كانوا دائما يقولوا فيني كل شين ، ويقولوني أشياء ماقلتها وسببوا لي مشاكل مع الناس وطليقي كان يجرح فيني وكل مشكلة والثانية يهددني أنه بيتزوج ويذكر لي أسم البنت الي بيخطبها .. كان يجرحني وكنت أحترق من جواتي .. خصوصا أني كنت حامل وأبكي ليل ونهار ولكن في نفس الوقت كنت أشفق عليه لأنه معطي نفسه أكبر من قدرها لأن والله أني تزوجته وهو لا وظيفة ولا بيت ومريض ... ولمن توظف وفتح بيت جلست  6 شهور وطلبت الطلاق لأنه بدل ما يجازيني على صبري معاه زادني هم وبهذلة فأخذت ولدي ورجعت لبيت أهلي وأقسم بالله أني ما ذقت الراحة إلا لمن رجعت لبيت أهلي لا حنة ولا رنة ولا زنة ولا تجريح وأهانات و حاليا أنا مطلقة من 6 شهور وعندي ولد عمره سنة ... وتقدموا لي خطاب ودائما أرفض عشان ولدي لا يضيع مني وأبوه لاياخذه والله أني مهمومة ودائما أدعي ربي أنه يكتب لي الي فيه الخير .. ما أدري وش السواة كل الي تقدموا لي عزاب بس أبني هو كل همي في ذي الدنيا ..


مين منكم مرت بمثل قصتي وأيش كان الحل ؟
 و مين تزوجت ومعاها حكم أن أبنها يفضل معها أو مع أمها ؟
 أرجوكم أفيدوني بتجاربكم .. 



الله ينول كل وحدة الي تتمناه دون ما تتعب أو تتهمم 


أدعولي أن الله يفرج همي وأن أبني يفضل معي