حياتنا حلوة-التجمع الخامس لمريضات الروماتويد/لا يوجد متابعة من القائدة +لا يوجد تفاعل

متابعة النقاش، صفحة 128

شاركي في النقاش

سجلي الدخول لإضافة تعليق.

التعليقات

763
  1. @amooon_8

    صاحبة الموضوع
    بنات انا موجودة وأحب أدخل هذا التجمع واي وحده معاها شي تحطه هنا وانا كلما قدرني الله راح أدخل وأجتهد معاكم هذا احسه مثل بيتي اللي مااقدر استغنى عنه وكل البنات أخواتي وهذا التجمع نسأل الله ان يكون صدقة جارية بما يحويه ..

    أنا أسأل الله لكم على الدوام العافية والشفاء وأن يعينكم الله ..
    مع محبتي ..
  2. @amooon_8

    صاحبة الموضوع
    على فكرة بنات انتبهوا من السهر تراه سم بيتعب الجسم حاولوا تنامون 8 ساعات على الأقل يوميا واذا لقيتوا فرصة تقيلون ولو لساعة كمان هذا بيريح الجسم .. وشاهي الأعشاب زنجبيل وكركم واللي تقدر تاخذ قسط هندي وعسل

    أم قبعه ايش أخبارك طمنين عنك ؟؟
  3. @amooon_8

    صاحبة الموضوع

    المشاركة المقتبسة غير متاحة.

    اهﻻ وسهﻻ بالغاليه اموون...الله يعلم قد ايش افرح اذا شفتك بالقروب مشاركاتك ووجودك معنا بيخفف عنا..ياليت لو يكون لنا تجمع على الbbm او الkik...لسرعة التواصل..[/q

    هلا بيك أختي الغد المشرق ان شاءالله نحن أخوات وكلنا بنتعاون مع بعض ونساعد بعض ونحاول نخفف عن بعض باللي نقدر عليه .. أنا أحب عالم حواء كثير وهو كان له الفضل بعد الله سبحانه وتعالى علينا وعالم حواء من أفضل المنتديات النسائية ورغم اننا اتجهنا للهواتف وتطبيقاتها لكن أنا بشوف المنتدى بيجتهد انه يواكب كل جديد في التكنلوجيا وعامل لنا دردشة وتطبيق على الهواتف الذكية بس أنا شخصيا بحاول أكتفي بالتواجد في المنتدى لاني مابقدر أشتت نفسي في أماكن كثيرة ولاني كثيرة الانشغالات انما هنا في المنتدى هذا بيت الروماتويديات الأساسي والجميع مرجعهم هنا وغير كذا زيادة للي يحبون فانتي بامكانك تنضمين الى قروب الروماتويديات على الواتس أب كلمي الاخت بيريز وهي راح تضيفك .. وأي جديد ان شاءالله نطرحه هنا في التجمع ونتناقش فيه وربنا يقدم اللي فيه الخير للجميع ..
  4. @amooon_8

    صاحبة الموضوع
    إبريز
    الله يعطيك العافيه أموون وصحيح السهر يتعب الجسم وينشط الروماتويد
    حياك لله إبريز .. أنا بغيت أخبر البنات ان أختي إبريز كانت من بنات الروماتويد القدامى جدا ربنا ابتلاها به في سن مبكر وأنا كمان اتعرفت عليها في أحد المنتديات أظن في سنة 2002م قبل مانلتقي ثانية على عالم حواء وكان السبب اللي عرفنا على بعضنا هو مرض الروماتويد .. بس حبيت اقول للبنات ان احنا انصبنا بالمرض في زمن كان مافي معلومات كثيرة عن الروماتويد والعلاجات كانت قديمة مش زي الحينه العلاجات أتطورت واتنوعت وأنا تجربتي مع المرض تشبه الى حد ما تجربة أختي إبريز فمثل ماعمل لها المرض مشاكل نفسية أثرت سلباً على صحتها وجعلت المرض يتطور معاها أنا كمان أتأثرت كثير في بداية المرض ونفسيتي تعبت لدرجة اني فضلت أكون مطلقة وأرجع لحضن أمي وأهلي وكان المرض قد تمكن مني سنة بعد سنة صارت صحتي تنهار بسبب اني أتوقف عن الأدوية لاني معلوماتي في الروماتويد كانت ضعيفة الحمدلله رب العالمين هذا قدر الله علينا المهم أختي إبريز وصلت لمرحلة تآكل المفاصل والإعاقة وهذا ماله حل غير التدخل الجراحي واستبدال المفاصل وأنا لله الحمد الآن وصلت لمرحلة التآكل اللي ماينفع معها غير عملية جراحية واستبدال مفاصل .. بس حبيت من كلامي هذا أنبهكم عشان ماتوصلون للمرحلة اللي احنا وصلنا لها فالمرض ومشاكلة بتتعب النفسية والزعل والبكاء والاكتئاب والعزلة بتزيد من مضاعفات المرض وفي واقع الأمر ترى المرض ممكن يكون سهل التعايش معاه بس انتبهوا تقطعون الأدوية وقت نشاطه واللي عندها عزيمة وإرادة قوية وظروفها كويسة تمشي على نظام الحمية مع الحجامة وتشوف نفسها شهرين من الزمان كيف تصير حالتها .. واللي ماتبي تتبع الحمية على الأقل تحاول تبتعد عن الأشياء اللي تثير الالتهاب وحذاري من البطاطس المقلية وإذا لازم تقلون شي فقللوا من الزيوت واستخدموا زيوت نباتية آمنة ابتعدوا عن الزيوت المكررة والمهدرجة الرخيصة هذا من شأنه أن يقلل متاعب وآلام المرض ..

تابعي تجارب أخرى من هذا القسم.