اخو زوجي جنني ايش اسوي معه ؟

السلام عليكم ورحمة الله وبركاته
انا متزوجه من 8 شهور وحامل بالشهر السادس وعمري 21
وزوجي عمره 26
احنا ساكنين في مدينه واهله في مدينه بعيده عننا بحكم ظروف شغل زوجي
واخوه كبري عمره 21 اول ماتزوجنا ماكان زوجي مأثث مجلس الرجال ومقفلينه كنا مرتاحين وماخذه راحتي عالاخر وعايشين بدون مشاكل الحمدلله بس بعد كم شهر اثثناه لان زوجي كان مصر جدا
المهم من جهزناه ثاني يوم جاء اخوه وجلس فيه يمكن اكثر من اسبوع مع اننا تونا كنا عرسان مالنا كم شهر وانا ساكته م علقت حتى عالموضوع وللمعلوميه يجيب معه اثنين من اخوياه وجالسين 24 ساعه بالمجلس يروحون يجيبون اكلهم ويرجعون ويعزم في بعد ع كيفه وبما اننا ساكنين بشقه حتى م اقدر اطول صوتي لان يسمعوني ولا اقدر حتى انادي زوجي
المهم استحيت اقوله اخوك ثقلها قلت مصيره يروح وراح فعلا واخذ اسبوع ورجع وهذا يروح يومين ثلاث ويجي لا شغله ولا شي بس كذا حتى م يطلع ولا يروح بس ياكل وينام وزوجي لما قلتله متى يروح اخوك قال بكيفه البيت بيته ولا تتكلمين بهالموضوع وبعدها راح اسبوع والخين رجع وله شهرين تقريبا عندنا وزوجي قلت له مليت متىً يروح ع طول قال م في ابي اوظفه هنا واخليه عندي هنا انا سكت قلت يعاند لان طبعه كذا والحين قدم ع وظيفه عندنا لسى م قبلوه بس ناويها يعني
وزوجي لو اقوله متأكده 100٪ بيقول اخوي براحته واللي م تبي اخوي ماتبيني اذا مو عاجبتك العيشه معي روحي لاهلك 
واهلي لو اعلمهم ولشكي عليهم م بيخلوني ارجع
محتاااااره ومو قادره اتحمل اخوه تكفون ابي حل انا حامل وكل يوم نتهاوش عالموضوع ذا ايش اسوي وربي جاني القالون من كثر التفكير وللمعلوميه لما نطلع من الشقه يطلب مفتاحها ويدخل فيها ويطبخ وياكل كنه بيته بس زوجي يقفل غرفتي مافيييييه خصوصيه ببيتي بنفجر منه الله يفكني منه

انتظركمممم ربي يبعد عنكم كل مايكدر صفو حياتكم