تعبت م أهل زوجي اللي سببوا لي كل هالمشاكل،،، عسى من ردت علي يعطيها ربي ماتتمنى،،

سلام عليكم
بنات انا في مشاكل مع زوجي كثيره مايمر أسبوع الا جايتنا مشكله والسبب كله واحد
زوجي حبوب طيب حنون الحمدالله لكن مشكلته متعلق بأهله ويحب يخدمهم لو ماطلبوا منه يعشقهم بجنون م شان كذا كرهني إياهم والسبب اخته اللي هي سبب تغير حالنا للمشاكل لانها شكت انوه بس مدلعني ومايدلعهن وهو خاف وبدا يهتم فيهم ماحس انو زوجي لحالي مشاركيني به بكل شئ لدرجه كنت احبه ومتعلقة فيه والحين بديت أكرهه وأقول اخليه لهم واروح أعيش حياتي ،،،
دائم نتهاوش والسبب أهله والله ي بنات صارت مشاكلنا كلها شئ واحد ماتغير طفشت منه ومن تعلقه بأهله لا اخفي عليكم انا دائم أقوله أكرهه اخواتك ماحبهم واحسه يتنرفز وهذي اكبر مشكل وقعت فيها،،،
المهم البارح نفس الشئ تهاوشنا عشان هو مخصص لي يوم نتمشى به وقالي ترى بودي اختي بنفس يومي قلت ودها باليوم اللي مخصصه لهم لان لهم يوم ولي يوم شوفوا كأنهم ضرتي مشاركيني فيه وهو رفض وقال لازم بيومك لان الشيخ مايرقي الا بذاك يومي انا هنا عصبت وصرخت عليه ورميته بالكلام الى ماحسيت اني بردت حرتي فيه وقلت الحين توديني لأهلي ومابيك اي يوم مع العلم انه تطير جنونه لاقلت ابي أهلي او أحب أهلي ينقهر مايبين احبهم مثله وهذا اللي كرهني فيه حسبته أناني رغم الصفات ألزينه فيه الا اني ع تعلقه بأهله كرهته ،،،
المهم بعد ما نزلني العصر بعد المغرب اتصل بي وقال اطلعي انا عند الباب ابيك بموضوع رفضت ولزم علي وطلعت معاه قالي اني بسكن قريب لااهلك بشقة مفروشه لمدة شهر عشان تفتكين م قرب أهلي يقول تعبت من مشاكلك بأهلي لأننا لسى مش مستقرين بالمدينه راح تطلع بعد شهر المدينه اللي نسكن بها فقالي ابسكنك بمفروشه ع مبال تطلع المدينه اللي نسكن بها ،،انا هنا رفضت مع العلم الشقة فخمه مره وقريبه لااهلي لكن مو مرتاحه من ناحية اني بعدتوا عن أهله ومن ناحيه الماديه لانها شوي غاليه ومع ذلك عصب علي وانقهر اني رفضت مع العلم ماقلت له سبب رفضي بس قلت مو مرتاحه وهو يسكت وعرفت انوه تنرفز وزعل مني لكن ماعلي منه هذا مو حل ،،،
المهم رجعتي لااهلي وارسلي رساله انو راح يقفل جواله وانو راح يعيش بمسجد يطلب ربه الفرج لانه يقول تعبت م مشاكلك انتي وأهلي المهم بعد مارسلي دقيت ابي اتطمن عليه وفعلا مقفل الى هالساعه وهو مقفل مع اني ندمت البارح وحاولت اني أتأسف لكن يوم صحيت اليوم وشفت جواله مقفل حلفت اني لااطنشه واطنش الجوال،،،وصرت الحين ماهتم بالجوال ولاعلي منه الزم ماعلي صحتي وصحة أولادي ولاهو مادري وش حاله بالظبط زوجي م النوع اللي لاتهاوشنا يكره أسلوب التطنيش ولاصرت عنده ع طول يحل الأمور اهم شى اني ماطنشه واللي نرفزة أمس انو نزلت لااهلي وانا مبسوطه ومطنشته،، وهو م قو هذا قفل جواله ولاادري وش حاله،،،،
بنات قلت لكم مشاكلي بالتفصيل أبيكم ترشدوني كيف اقدر أتعامل مع هالزوج،،وكيف أتعامل مع هالموقف تقفيلة جواله انا خائفه مره لانه اول مره يسوي هالحركه لكن عسى تجئ العواقب سليمه،،،
بنات دعواتكم ربي يصلح الحال وتهدى أمورنا وتصير مثل مابي يارب،،،