انا وزوجي وابنته

والله دعيت لك من كل قلبي اللي متحملتها يااااقلبي عليها مسكينه تكفين عامليها كانها بنتك

ولدي جلس عند ابوه اسبوع نهاية الأسبوع ثﻻثة ايام وهو يستفرغ وماياكل اول مرة تجيه هالحالة ولما رجع عندي اليوم الثاني صار ياكل وﻻ يستفرغ ترا نفسية الطفل تخليه ماياكل ويستفرغ ومن بعد ماتعب حرمت عيالي يجلسون عند ابوهم حاولي تعطيه حنان وحب وتحضنيه كثير .

كسرت خاطري البنت بس سؤال والجواب لج مو لي لو

كانت بنتج كنتي بتخوفينها بالعصا والالا لا؟ ما راح انكر في ناس

تضرب عيالها وناس تهاوشهم ونناس......الخ بس يا ريت ما يكون هذا شي اساسي

بالتربية مهما كان فيه جرح للكرامة وذل من ناحية الضرب !!! حتى لو طفلة وعنيدة بكرة

بتكبر ان شاء الله وما راح تنسى عموما مشكلتها عاطفية بحته يعني تحاول تجذب الانتباه لها

يمكن حاسة ان امها ما تبيها او متخلية عنها وانتي تدري ان انتي مو امها فتحس ان الكل ممكن يتخلى عنها

ما ظل لها الا ابوها حاولي تطمنينها وتحضنيها كثيييير وتكلمينها كأنها كبيرة

يعني قولي شرايج تأكلين عشان تصيرون دبدوبة وحلوووة واموورة ومن ناحية الاكل

لحالها خليها تسوي معاج كيكة حلا ايس كريم وتكون القعدة لج ولها يعني اذا تقدرين ولدج نوميه

وديه عند اهلج احسن ولما تخلصين وكليها بإيدج وخليها توكلج بإيدها حسيسيها انها غالية وعزيزة

مو دخيلة صوري معاها وانتي تبوسينها روحي السوق خليها تختار لج ثوب ولاخوها ولها

واشتري هدية لزوجج وقولي هدية من البنت اكسري حاجز البنت ومرة ابوها وحاولي تنظمين وقتج

لا تقولين ما اقدر وتمهيدي كثير حريم عندهم بدل اثنين اربع وست واكثر ما شاء الله وقايمين

فيهم ادري صعب بس ان شاء الله بتتيسر وقولي التسبيح قبل النوم اللي قالها الرسول عليه أفضل الصلاة والتسليم لفاطمة رضى الله عنها

وقولي لزوجج اذا ما يقدر يجيب خدامة يستأجر وحدة اللي تكون باليومية يومين ع الاقل بالاسبوع

يخفف ضغط شوووي وغيري الروتين وخوذي البنت عند اهلج وخلي امج تبوسها

وتدللها لو خمس دقايق عشان تحس البنت بالأمان ترى هي طفلة ونصيييحة اذا تقدرين

تتواصلين مع استشاري يعطيج تعليمات بأسلوب التعامل المناسب معاها ترى التقيؤ

تكرمون والعناد حالة نفسية وفكري البنت عاشت معاج اربع سنين ومع امها سنتين يعني

اللي معاج اكثر من اللي مع امها لا تفكري متى ترووح لامها عامليها بما يرضى الله

وبالأخير اذا ما قدرتي تتحملينها لو تتفاهمين مع زوجج اسبوع عند امها واسبوع عندج اذا ما جاب خادمة

لان الكل بيطلع خسران البنت مرضانة وانتي كارهة نفسج وزوجج يشتكي من عدم الاهتمام !!!

مع اني اشوووف لو تعتبرينها بنتج وتحبينها وكله بميزان حسناتج ان شاء الله

ويا ليت لو تتركين العصا اكيد بتشوف انج ما تمدينها ع الولد وتغار وتقارن

عشان ترتاحين وتريحين ضميرك..اتخذي قرار صارم في حق البنت..إذا ماتقدرين تكملين مع زوجك في وجود البنت انسحبي..
وإذا ماودك وزوجك كويس معاك لازم من قرارة نفسك تتخذين أمر أمام الله وأمام الجميع
ياتروح هذي البنت لأمها يابأربيها بطريقتي زي ماتكون بنتي..وزيها زي أخوها..
شيلي من راسك إن هذي بنت زوجك أو أمها مرتاحه منهاوإنتي شايلةهم أكلهاومذاكرتهاوغيره..هي بالنهايةآدمية
طالما إنها عندك استغلي سنهاوربيها إنتي كل مايمر يوم وسنة بيكون صعب عليك تربيتهاوإنتي الخسرانة أبوها ماراح يستغنى عنهاوإنتي مارح تتركيه
ربيهاوعامليهامثل ولدك واصبري عليهاولك الأجر وقوليهابالفم المليان أناأمها الثانية ومحد يدخل في تربيتي
لبنتي..الكل بيتغير للأحسن وأولهم زوجك حيطمن عليهاويبدأ يعينك ويحس فيك
ومولازم شغالة تخيليهابنتك ماراح تغسلين وتنظفين وراها؟؟
الشغالة بدري عليها..دام البنت عندك وأبوهاملزوم فيها
ادمجيها مع عيلتك وخلي الأمرعادي بالنهايةطفلةمابتضرك بشي وإحسانك لها ماتدرين ربي يجازيك فيه بإيش!!
تعاملي معها عادي جدا ومارسي حياتك معها كأم
وحلو صارعندك بنت ماشاءالله كبيرةمن غير ماتتعبين لابحمل ولاولادة..صدقيني تحتاجك أكثرمن أمهااللي تركتها