شاركي في النقاش

سجلي الدخول لإضافة تعليق.

التعليقات

144
  1. @hnon211

    صاحبة الموضوع
    meoem
    يالله ايش القلب الي عندك الي تضربين بنت بهالعمر .. غيركم يتمنى اطفال وانتي وامها جالسين تترامون البنت . اول شي انتي تزوجتي وانتي عارفه ان البنت بتكون عندك .. فـ تحمليها وتحملي قرارك ثاني شي احتسبي الأجر في هالمسكينه .. ترا تصرفاتها هذي …
    شكرا لكل اللي ردوا علي بس في ناس تحاملوا علي بزياده وانتوا مو عارفين الوضع تماما ترى انا م  شريره معها وتراني ادخلها معي المطبخ واحببها في الاكل والبيها كل طلباتها اكثر من ولدي وربي عالم بها الشي وانا مو ناقمه عليها او حاقده عليها ولاعايشه على امل ان امها تاخذها اصلا انا مستحيل اخليها تاخذها مني بعد تعبي فيها وعلى فكره كانت عايشه6شهور عند خالتها والله يابنات جتني ظهرها كله جروح من الجفاف وادهنها واعالجها واشتريلها والله حتى هي تحبني بس مشكلتها عنييييده لدرجه ممكن تضر نفسها امها اقنعت ابوها يوديها اول ماجابها عندي وتراها عاشت مع امها سنه ونص بي ذاقت انواااااع العذاب منها وعندها مشكله صوتها دايم عااااالي جربت معاها الزاويه تجلس فيها حربت اطنشها جربت انزل لمستواها الحين امها ماطلبتها من 6شهور وهي بنفسها قالت انها ماتبيها طيب انا وش ذنبي انا مااكرها والعالم ربي بكذا والله امي ابديها على ولدي ومالجت للعصا الا بعد ماصار ضرر عليها اللي تسويه في نفسها حتى التمر والعسل والعصاير الطبيعيه ماتبيها معليش في ردود تحاملت علي وهي مو عارفه الحقيقه كامله وفي ردود الله يجزاهم خير حبيت اوضح شغله هي شاطره في الحمام واللي تكلمت وقلت ماتعرف حمام هي البنت الكبيره والحمد لله  بشهادة الكل واولهم ابوها يقول انها افضل من اختها بس مخرب عليها عنااااااادها بطريقه مضره لها للتوضيح فقط
  2. @ana_ndmanh

    انا فاهمتك والله يجزاك الف خير والله يعينك




    انا بنتي الحين عمرها 6 سنوات وفيها عناد مو طبيعي أتوقع هذا سن العناد الله يهيدهم


    انا مسويه لها ورقه وقاسمتها بالنص وقلت لها اذا سويت شي صح وفرحني من دون ما أقول


    مثلا رتبت غرفتها سمعت كلامي بدون مناحله وعناد احط لها علامه صح واذا سوت شي قهرني حطيت علامه خطا


    واذا اجتمعو 5 صح عطيتها هديه بسيطه مثلا دفتر تلوين أو الوان او ي شي واذا اجتمعو 5 خطا اعاقبها باللي أشوفه مناسب لها


    وانا حس نفعت معاي الطريقه هذي


    فجربيها انتي للعناد وللاكل اذا اكلت حطي صح وهكذا والمذاكره


    والله يعنيك بس أنا أحس انها كمان ممكن تحتاج لدكتور نفساني اطفال اذا زاد الاستفراغ لان ممكن هي حاسه انه امها ماتبغاها
    وتفضل اختها عليها وعارفه انك مو امها فهي تحس انها مو محبوبه وانتو شوفو اذا زادت الحاله ودوها مافيها شي
  3. @nbda

    سؤال اطفال اليوم وين اللي ياكل
    ماياكلون
    الاطفال يحبون العنب و الفراوله والفواكه بشكل عام
    الوجبات ماياكلون
    ولاتجبرينها على الاكل بترجع
    تخيليها بنفسك وانتي تنجبرين على الاكل وتتخوفين
    الارجيع حطي اكياس وقولي لها الترجيع بالكيس
    قولي لابوها كل يوم يطلعها تلعب بالحديقة الطفل طاقه لازم يتحرك
    ويلعب
  4. انا مفجوعه من الام
    انت لك باب الأجر من الله باب وانفتح لك
    عساك على القوة
    احتسبي الأجر
    احتسبي الأجر
    و البنت حلي عناد رأسها بالحنان
    لا تلبي طلباتها ، المبالغ فيها
    جربي التطنيش و الزاوية يبيلها صبر
    الحريم الي يقولن لاكبرت شغليها معليش سلامات !!!!!!
    انت جيبي شغالة الي تنظف تشيل عنك مسوليه الغسيل
    بالنسبة للاستفراغ يمكن برد داخلها
    و الحل لبسيها شرابات و دهنيها بزيت زيتون و الأكل قطعي خيار وهي تتفرج وحطي قدامها
    اختي ولدها ابو 5 سنين غارررر من اخته و انتكس وصار جلد على عظم
    و تخيلي طلع غيرران يبي رضاعه
    وراحت جابت له رضاعة كبيرة تجئ حجم كبير
    و تعبيها عصاير و الحمد لله تحسنت حالته و انفتحت شهيته على الاكل
    أأنت مضغوطه و الحل يريحك زوجك من شغل البيت
    البنت مرتين في اليوم ضميها واحضنيها و اهمسي في أذنها انا احبك
    ترى البنت تقرا ففي المدرسة عن الام و في دروس عن الام
    و صاحباتها بيقولوا لها أمي و أمي و تتحسس يمكن
    خليها تناديك ب أمي
    و الله غير يجي يوم و تندم أمها
    و خالاتها مدري عماتها الي يضربوها عساهم بالههاوي
  5. @aml2014_2

    البنت محتاجة استشارة نفسيه و سلوكية

    اذا ما تقدرين تودينها لاخصائية اجتماعية حاولي تتواصلين بتويتر او الانترنت او الهاتف مع مراكز متخصصه

    نصيحة لوجه الله يا اختي ،، لا تنتظرين اكثر من كذا و ما شاء الله النت قدامك بحر كل شيء فيه ،، ابحثي عن المراكز المتخصصة في مدينتك ،،، ما قدرتي تودينها ،، ابحثي عن اطباء او اخصائيات او حتى مواضيع علميه تساعدك في علاج مشكلة البنت

    البنت تعبانه نفسيا من الرفض اللي حصل لها ،، و كل تصرفاتها ما هي الا تعبير بسيط عن اللي تحس فيه داخلها ،. و الله دمعت عيوني على حالها ،،، الله المستعان .. يا ربي احفظنا لاولادنا و احفظ اولادنا لنا

تابعي تجارب أخرى من هذا القسم.