أسرار بسيطة لزيادة الثقه بالنفس امام الاخرين ..

ماأروع أن ننثر عبق تجاربنا هنا وهناك
ونضيء رياض الفكر بكل مفيد وهادف..!
جزاكِ الله خيراً على هذه الدرر الثمنية،
والحوار الرائع الذي ينم عن روحاً شفافةً تكنُ الحب والخير لأخواتها العضوات..!
سلمتِ -ياغالية- فلقد أستمتعتُ بطرحكِ الموشى بالجمال والإفادة.
وفقكِ الله لمايحبه ويرضاه!!

صح لسانك كلامك رووعه ان شاء الله اطبقه بحذافيره

حبيبتي رنوده لا تقولين كذا 
قولي انا انسانه متزوجة من انسان رائع*ان شاء الله يكون كذلك* لكن ما رزقنا الله باطفال 
لا تلومين نفسك ابدا ابدا بدا 
انتي مالك ذنب هذي ارادة الله عز وجل 
فخففي من هالنبرة الحزينة 




صدقيني نصف المشكلة من عندك انتي 
وهذا شيء حلو اقولك ليش لانك تقدرين تغيرين نفسك 
انتي تقولي صرت حزينه وما اجتمع مع الناس اخاف من الانتقاد 
ليه كذا ليه كل هاليأس ؟!
كثيرين محرومين من الاطفال و فيه اللي محروم من المال و من الصحة والا من الراحة النفسيه 
كل واحد عنده نعمه مفقوده ابتلاء من الله عزوجل 
لو كل واحد سكر باب بيته عليه وخاف من الناس ما عشنا 
دوري الفرح و عيشيه اطلعي واستمتعي انتي لك حق في الحياة 
لا تدفنين نفسك وانتي شباب 
و ترا الناس مو كلها تنتقد هشان تغثك 
فيه اللي اسلوبه غلط لكن قلبه طيب و يبيلك الافضل 
وفيه اللي يشوفك عايشه في دوامة الحزن ويبي يطلعك منه 
وفيه اللي ينتقد ماله غرض بس زود حكي 
انتي ما عليك من كل هذا 
بسالك سؤال 
لو فرضنا فيه بنتين محرومات من نعمة الانجاب 
وحده حزينة و مكتئبة و ما تواجه الناس 
و الثانية عادي تضحك و تمزح وتروح وتجي 
هم عندهم نفس الشيء لكن تعاملهم مع انفسهم مختلف 
بترتاحين لمين ؟! 
لما يجلسون نفس المجلس تتوقعين نفس الكلام بينقال للثنتين ؟!
طبعا لا اللي حزينة و مكتئبه الناس بتتكلم معاها على نفس شخصيتها 
ليش ما تتعالجين؟! ليش ما تروحين للدكتور الفلاني يمدحونه؟! ليش ما تروحين للممرخه ام فلان تراها زينه؟! 
تدرين ليش كل كلامهم عن الاطفال 
لانها عامله مثل المغناطيس جالسه تسحب هالكلام من الناس بحزنها 
الناس يشوفونها مهمومه فبعضهم يحاول يعطيها حلول وبعضهم شماته ويدق فيها 
اما اللي تتشيك و تتمخطر ومخليه مشكلتها داخل بيتها بينها وبين زوجها 
جالسه تسحب المدح تماما مثل المغناطيس 
الناس تشوف وحده كل كلامها ماركات و دلع و سفريات و هدايا و و و و 
فتمشي معاها على نفس الاسلوب 




خليك مغناطيس ايجابي و اسحبي المدح من الناس بنفسك 
مشكلتك خليها وسط غرفتك و حاولي فيها تنحل اما يرزقك الله او لا هذي حكمته وزع الرزق بين عباده 
و خلي للناس الجانب اللي بلا مشاكل عشان يشوفونك انسانه قدوه لهم 
والله يرزقك من نعيم الدنيا والاخره ولا يكسر لك قلب 


تذكري غاليتي 
احنا عندنا حياتين حياة شخصيه داخل المنزل 
و حياة اجتماعيه مع الناس 
لا تخلطين هذي بهذي و تخسرين الهدوء والراحه 
لا تشكين للناس خليك واثقه من نفسك 
الناس ضعفاء مثلك ما راح تلقين عندهم حلول لانهم هم انفسهم محرومين من نعم حالهم من حالك 
وابتعدي عن الناس السلبيه ~

حنين14
وحده هذي صفاتها وش جابرك عليها
طنشيها و ابتعدي عنها 
واي سؤال ما يخش راسك اسكتي ولا تردي واتركي لها حرية الفهم ،،انه مالها داعي بلقافتها '
عشان تعيشين مبسوطه في هالزمن 
انتقي صديقاتك صح واي وحده تشوفينها زيادة عدد وما جاك الا المغثه منها 
ابتعدي عنها ~

مشكورين يا احلى عضوات 
كلنا بشر محتاجين رفع مستوى الثقه بانفسنا 
احيانا كثرت المشاكل تضعف الانسان وتبعده 
عن النظر لمميزاته 
و تجعله يضخم السلبيات و ما تقع عينه الا على الاشياء السلبيه 
لكن نعين ونعاون و مثل هالموضوع عشان كل وحده فينا تحجم مشكلتها 
و تشوفها هينه بسيطه و بكم كلمة وحركة وتصرف بسيط تطلع قدام الناس بافضل منظر 
نورتوا 🌹🍀