لكل اللي كارهين حملهم

الله يعوضك و يرزقك بالولد الصالح المعافى يارب العالمين

حملت بحملي الأخير وتوني والده سته شهور
وبكيت وحالتي حالة وكرهت حملي ورحت للدكتورة قلت لها أبي أنزله وجلست تهدي فيني وتذكرني بربي وتقولي أشوف حالتها دكتورة نساء وماجاها عيال رغم إجتهاداتها وشليت أشياء ثقيلة وماطاح
وكلمت صديقتي وفضفضت لها ونبهتني لاأسخط
فرشت سجادتي وصليت ركعتين وإستغفرت ربي الحمدلله تم حملي
وبعد ماشفت ولدي ذبحني تأنيب الضمير للحين أبكي بحرقة أتذكر حركاتي لما كنت حامل فيه وكيف وأتخيل كيف بتكون حياتي بدونه الله يخليه لي هو وأخوانه ويخلي لكم عيالكم
أعرف ثنتين سوو المستحيل عشان يطيح الجنين الله أراد يستمر حملهم وحدة جابت ولد توحدي والثانية معاق وثنتينتهم ميتين بحسرتهم الله يعافي لهم أولادهم
الله يرزقك ياصاحبة الموظوع بالذرية الصالحة المتعافية

شكرا على نصيحتك ....والله يعوضك بالذرية الصالحة المعافاة

الله يرزقك ويعوضك خير يارب
وعسى الحريم يتعضون ويحمدون ربهم على نعمة الحمل بدال ماالوحده تجلس تشتكي كأنها بمصيبه الله المستعان
عيون المها الله يرزقك يارب دام الانابيب ماتضبط معك نصييييحه مني لك عليك بالرقيه ادخلي النت واقري وراح تعرفين اثر الرقية سبحان الله

فعلاً كلامك صحيح وكثير اشوفهم يقولون بالغلط وشلون بالغلط وهي نعمه من عند الرحمن
يابنات نصيحه لوجه الله افرحوا وتحمدوا الله بنعمة الذريه ترى البيت من غير طفل يصيح او يضحك او يلعب ماهو حلو
الله يرزقك ياصاحبة الموضوع ويرزقني ويرزق كل من تبي الحمل
وحاولي ترقين نفسك وتشربين موية زمزم وادعي والحي بدعائك وبسجودك والله يفرحك ويثبته لك وتشوفينه معافى