متضايقه وحابه افضفض لاغيير
مساء الرضى والايمان احب افضفض واتكلم واكتب ارتاح هوون علشان ماحد يعرفني يمكن او لان دعاءكم ومشاركتكم الواجدانيه تريح عندي آماني كثييره كثيره بس واقفه ابسطها اروح بيت الله واعتمر وابكي هناك واشكي واشرب ماء زمزم واشم ريحة الكعبه نفسي اسافر اغير جوو مع زوجي واطفالي لي 12 سنه متزوجه عندي 4 اطفال زوجي مرره مايحب التمشيه والطلعات لانو ظروفه صعبه وحالته الماديه صعبه حيل وعنده زوجه غيري له منها سبعه اطفال حالها مو افضل من حالي لاملابس ولابيت ملك ولا طلعات هو كريم كريم ومايقصر بالذات على عياله وبيته بس فقير ومتقاعد وانا مشكلتي مو الفقر بس الفراغ والوحده لازيارات ولاطلعات ولاجارات لانه اساسال بيتي مايساعد لا استقبال حتى اهلي لامواعين ولااثاث ولاشي مرره احس بضيقه بحياتنا ماسافرنا مكان تمر الأيام نفس بعض والروتين ممل عيالي متوفقين وجادين بس احس فيهم فراغ وطفش وكبت وحاجه ودي باجتماعات وطلعات ودي اعوضهم حتى لبسهم غير يفشل مقارنه مع عيال عمامهم وخوالهم وعيال زوجي بعد نفس الشي هم ساكنين ببيت وحنا بشقه والله ارحم حالهم وحال عيالي لاحسيت بحزنهم وارحم زوجي بعد ماله لاحول ولاقوه ولا احب اضغط عليه انا من النوع الصبور واعدي بس مدري وش فيني من امس مشتاقه اروح مكه والمدينه احس بحنين وحنيه والله اخواني كذا مره دعوني للسفريات معهم بس اتحجج استحي ماعندي فلوس واعرف عيالي اذ شافوا الطلعه والاسواق والتمشيات بنتفتح عيونهم على شي مو في الإمكان انا بديت بمشروع بالانستقرام بسيط تجاره يارب ينجح وتنتفح واتطور ويصلح حالي وحال عيالي وزوجي وبيته يارب احس كلامي ملخبط بس فضفضه بسيطه ابي منها وصل ودعوه صادقه وكلمه طيبه