خواتي يغيرون من حفظي لأسرار حياتي..انصحوني لاهنتم

أرجو من المشرفات قفل الموضوع

وارجو ممن يدخل أن لايرد...يكفي تجريح واهانات...
لكم الموضوع في الاسفل والردود ولكم الحكم....

لم اتوقع هذا الخذلان من حواء..

ولا اعتقد أن الحب الاخوي مشرووووووط ....اذا حبيت شخص اتقبله بكل مافيه شلون لو هم خواتي ودمنا واحد

ارجوكم مابي ردود

اشكر رقيكم




السلام عليكم


مشكلتي يا خواتي مع خواتي
اعتقد فهمتوا معني متحفظه بشكل خطأ

انا مرحه ايجابيه متفائله اشاركهم حياتهم..زافراحي واحزاني ...بس فيه حدوووووود....اذا هم يتكلمون في رجالهم زيذمونهم مو لازم اصير زيهم...عشان ارضيهم...انا ما احش بأحد شلون اذا هو زوجي وشريك حياتي

انا وحده اعتبر نفسي شوي متحفظه علي حياتي الزوجيه وما تكلم عنها عند اي احد الا امي و ما قول لها كل شي بعد...اعتقد هذا شي صح...

المهم ان خواتي مايعجبهم هذا الشي وحسيت منهم بنوع من الغيره في تصرفاتهم معي...والسبب انه قبل فتره كانو يسولفوا ويمزحو برسايل ع الواتس ويتكلمون عن ازواجهم بكلام يعني ماينقال,,وكلام عن امور حميميه وضحك..انا هذي الاجواء ماحبها حتي لو مع خواتي....فانسحبت بهدوووووء من النقاش وتركت الواتس....
بعدها صارت مشكله مع اختي وزوجها بسبب الكلام اللي قالته..وللأسف زوجها قام يضرب مثل فيني اني ماتكلم بزوجي وصاينه اسراره..بعدها حسيت بثقققققل من خواتي علي ...وتغير في المعامله...من كل النواحي..صاروا يتحفظون كثير..ويخبون اتفه الامور حتي المرض..((ويخافون من العين))واتمني اني اتوهم,,,لاني لو وصلت لهذي الدرجه بنهار..وفعلا بحس اني مالي خوات واني وحيده
...وصرت اي كلمه اقولها احس اني مراقبه واحس واسمع همسهم..بين بعضهم ..يقولوا,,دايم تمدحه...((

طيب اذا هو محترمني ومقدرني..وعايشه معه براحه ولله الحمد..صح فيه عيوب كثيره جدا...بس اغلب الرجال كذا..وهذا انا احاول اتعايش...حياتي ماهي كامله ولا مثاليه..بس ماحب احكي فيها...كل مايدور في جدران بيتي ملك لي فقط..فكيف بما يدور في جدران غرفة النوم
وين خصوصيه الحياة الزوجيه وقدسيتها اذا انا حكيت بكل شي وعن ادق تفاصيل حياتي؟؟؟

انا ما اكره خواتي..انا احبهم كثير كثير..واتفقد احوالهم...ودايم اسال عنهم ,,وأتألم كثير لو سمعت منهم كلام او همس...

انصحوني وريحوني..
انا علي خطأ والا الزمن تغير؟!!!

43 تعليق 8,517 مشاهدة

شاركي في النقاش

سجلي الدخول لإضافة تعليق.

التعليقات

38
  1. @shbh_almshaaar

    انا مثلك ما احب اتكلم عن الكلام اللي بين الزوج وزوجته مره مره لدرجة انو اختي الكبيره تحسبني بريئة ما افهم تشرح لي اشياء سخيفة مثل قوله ما تعرفين وكذا
    وفعلا لي خمس سنوات متزوجه اكره هالمواضيع واسكرها على طول
    بس من ناحيه الخصوصيه لا ما احب اتحفظ ابدا ابدا عن خواتي من بينهم احس عيب يعني ما اقول تفاصيل ما تنقال ولا اخفي عنهم اشياء عادي تنقال
    اصير طبيعيه
    واكيد لو انا مع خواتك وشفتك متحفظه ابتحفظ ميه بالميه

    كانت عندي صديقه كذا متحفظه لدرجه الجنون بكل صغيره وكبيره وتفاهات
    حتى بيتي وريتها اياه كله وهي لا
    كنا نسولف عن الفرق بالعمر قلت زوجي اكبر بكم سنه هي قالت ما اعرف متى مولود هههههههه الخ الخ

    عاد طبعا العلاقه شبه منتهيه الان معها
  2. @doaa_aldnya

    من ناحيه سوالف عن العلاقه مالها دآآآآآعي لا مع امك ولا اختك ولا اي احد
    لكن سوالف عاديه اشوف مافيها شي بعدين هذيل خواتك سترك وغطاك واكييد يتمنو الخير لك مثل مايتمنوه لا انفسهم
    ع العموم ادا انتي مرتاحه بوضعك كذا فلا تتغيري لانه اصلا مافيه سبب يزعل خواتك منك وكل واحد وشخصيته 
  3. @lmyaaa2013

    صح كلام اختي صبيح عين السيح
    شكلك ماتسولفي لهن  عن شي ابد
    مااعتقد انهم زعلو بس لانك ماشاركتيهم بالكلام عن العلاقه الحميمه
    زعلو لانك اكيد من يومك ماتحبي تتكلمي لهم بشي عن حياتك واكيد هم يتكلمو بكل شي قدامك وانتي عالصامت
    انا لو عندي اخت كذا كللللل شي كلللل شي ماتحب تخبرني به بكرهها وبحط ببالي انها تخاف نحسدها وبخبي عليها وبقلب عليها 

    انا وااخواتي نقول لبعض كل شي حتى المشاكل الي بحياتنا مع ازواجنا نفضفضها لبعض وكل وحده تساعد الثانيه وتهديها حمدلله مافي وحده تخبب على الثانيه ابد  ..طبعا الا العلاقه الحميمه ماعمرنا تكلمنا فيها حمدلله لك يارب كذا نستحي مرره من بعض فيها وفعلا هي شي خاص ومحرم الكلام عنها
  4. @gory_ahmr_4

    والله انكم غريبين يعني السوالف ماتحلى الا بالخصوصيات 
    واذا خواتي مو ضروري يعرفون كل شي مو خوف منهم مثل مايفسره الكثير من الحريم ان اللي ماتحكي عن حياتها معناتها عايشة بنعيييييم وخايفة من الحسد!!!!
    افهموااا ياعااااالم
    في شخصيات تحب الغموض تحب يكون لها مساحة خاصة ماتحب تكلم بكل شي سواء زين او شين هم كذا يقدسون خصوصيتهم 
    ليش ماتحترمون رغباتهم الا يصيرون مثلكم
     يحكون  بكل امورهم والا فسرتوها خوف من العين!!!
    وبعدين السوالف والفلة والوناسة مجالها وااااااسع 
    مايتأكد حبي لخواتي الا بالحكي عن حياتي ومعرفتهم لكل صغيرة وكبيرة!!!

تابعي تجارب أخرى من هذا القسم.