اولاً السلام عليكم ، عساكم بخير ياربي
انا انسانه ماأدري كيف عكس الحريم ، الحريم اذا حملوا تشققوا من الوناسه والفرحه ، وانا تجيني ضيقه اعوووذ بالله ، خوف وكتمه دقات قلب سريعه .
اول حمل لي كنت بثالث ثانوي وحملت مع اني ماخذه احتياطي ، وجتني ضيقه لدرجة كنت ابغى انزله استغفرك ياربي ، والحين اتندم على تفكيري لان ربي رزقني احلى طفل
والحين دورتي متأخره وفيني ضيقه ياربي اغفر لي وربي انها غصب عني مو بإيدي ، عارفه انها نعمه كبيره واني غلطانه بس تكفون ادعووولي محتاجه الدعاء واللي تدعيلي لها بالمثل )":
شاركي في النقاش
سجلي الدخول لإضافة تعليق.
التعليقات
11- على حسب لو مستعده للطفل جسديا ونفسيا وماديا ومستقرين واخوه اكبر منه اقل شي ب5 سنوات بحيث فك البامبرز والرضعات واعتمد على نفسه هنا الحمل يفرح مايحزن
اما لو اختل شرط صدقيني لاهو بيرتاح البيبي ولاالام وبيروح عمرها ركيض وكرف - الف مبروك الله يبارك لك فيما رزقك
شفتي لو انك دوبك طالعه من نفاس وحملتي اعرفي انها خيرة من الله
لاشروط ولا يحزنون هاذي نعمه من الله فيه احد يقول مايبغا نعم ربه تجيه
احمدي ربك واستغفري اتخيلي لو انك تدورين الحمل بالمستشفيات فيه ناس تسافر دول وتتدين مبالغ الله اعلم فيها عشان ريحة الضنا - ترى هرمونات الحمل تسبب ضيقه وعصبيه..فتره وتعدي
- الله يرزقني ويرزق كل مشتهي على خير
ماافتيكي قلبي لكن الوالده كانت كذا والله كانت تبكي حياتي ربي يحفظها ويخليها لنا سبحان الله طلعت الوالده فيها مرض روحي
متعبها زياده
لكن قلبي اقرأي البقره فأخذها بركه وتركها حسره ولاتستطيعها البطله
مو من باب الوسواس لا من باب اخذ البركه بأيات الله - آه آه يااربي لو انتي جربتي تاخر الحمل كان عرفتي قيمه الطفل
انا لي سنتين ونص والله العظيم كأنها سنيييييييين مرت
ماجربتي ان البيت يكون فاضي ومافيه حس طفل يبكي ويضحك
انا والله العظيم ودي ودي أنام واصحئ من صوت طفلي يبكي
ما جربتي انك تروحين السوق وتشوفين ملابس الأطفال
وقلبك يتقطع لأنك نفسك تشترينه لطفلك والله لما أشوف لبس عجبني
وربي عيوني تدمع اقوول حضني خالي مافي طفل اشتريه لمين
يااربي رحمتك
انا أسفه اني طلعت من الموضوع بس والله الي انتي فيه نعممممه من ربي.
رغم اني ماجربت الحمل ولا جربت الوحم ولا جربت رفسه الولد بالبطن ولا جربت الم الولاده
بس متاكده انه افضل احساآس بالكون
عالعموم كلن علئ همه سرئ
الحمد لله على كل حااال
مواضيع مشابهة
تابعي تجارب أخرى من هذا القسم.