السلام عليكم ورحمة الله وبركاته
اخواتي اشتقت لكم حييييييييييييل واشتقت لنصايحكم اللي مثل البلسم ع القلب
بقولكم مشكلتي اللي مكدرة علي عيشتي (اخت زوجي)
طبعا أنا ساكنة مع أهل زوجي في نفس البيت ولي دور كامل مستقل لكن اهل زوجي يبون ولدي ينزل لهم كل يوم وولدي رضيع عمره 4 شهور ما أقدر أني اخليه ينزل لحاله خصوصا بعد ما شفت أخت زوجي كيف تتعامل معه تنشد بصوت عالي قدام وجهه وتصارخ في وجهه طيب هو طفل رضيع كل هذا الشيء يأثر على سمعه بعدين وتعالوا شوفوا المعاناة معي في الليل كل شوي يصحى مفزوع من نومته والا تأخذه تلعبه وتخض رأسه بأقوى ماعندها والا تضغط على صدره بقوه عشان يضحك استغفرالله ما أدري ليه أحس ها لإنسانة حقوده طبعا بعد كل هاللي شفته صرت أمنع أن ولدي ينزل لهم الا معي الله وكيلكم وش سوو زعلوا علي ولا صاروا يكلموني طنشتهم صار عندهم عزيمة ما عزموني ليش طيب أنا وش سويت لكم كل هذا لأني ماصرت انزله لحاله طيب هذا ولدي وخايفة عليه في ذمتي إلى عمر سبع سنين مو فاهمين الشيء هذا يبون يكونون هم المسؤولين عليه ومايبوني أتدخل فيه ما أدري كيف هالناس غريبين عندهم حب تملك بشكل غير طبيعي ماأدري ايش الحل معهم المشكلة اذا زعلت اخت زوجي تسوي سالفة في البيت وتكرههم كلهم فيني..ويكرهونني من غير ما أعرف عن أي شيء
الله يخليكم أبي رد حكيم يرد على كيف أتعامل معهم طفشت من هالعيشة ياارب أطلع ببيت لحالي وأفتك منهم..
شاركي في النقاش
سجلي الدخول لإضافة تعليق.
التعليقات
34- والله مالومك مدامها تسوي فيه كذا
طنشيهم واشتري راحتك
زوري ام زوجك مره وحده في الإسبوع وخلاص
الله يعينك يارب - انتي وضحي هالشي لـ أم زوجك
قولي تصارخ في وجهه وانا مابي اضايقها واقولها لاتسوين هالشي
الولد يقوم يصارخ بالليل و تضغط صدره وفهميها كل شي عشان لاتزعل عالفاضي - ما أقدر ازورهم مرة واحدة في الاسبوع لأني معاهم في نفس البيت ونفس الباب اللي يدخلون معه.
الله يعين الجميع ياارب ويحفظ وليدي من شرها - ماينفع البنت عنيده..
- خلي الصغير ينزل مع ابوه يمكن يشوفها كيف تعامله ويكلمها ولاتوضحين لهم انك متضايقه لان يمكن يزيدون وحاولي تغيرين موعد نوم ولدك خليه بالوقت اللي متعود ينزلهم فيه فتره ويملون ان شاء الله وولدك حصنيه كل يوم وربي يحميه والبنت شكلها ياصغيره او مراهقه خذيها بالسياسة لان اللي ماتجيبه القوة يجي بالحيله
مواضيع مشابهة
تابعي تجارب أخرى من هذا القسم.