تصرفات اهلي تزعجني ابي حل

السلام عليكم ورحمة الله وبركاته 

اول شي ببدأ أوصف لكم شخصية ابوي اللي متعبه كل اللي بالبيت ابوي إنسان عصبي 
وماسح شخصياتنا انا وإخواني وأخواتي مالنا رأي في البيت من تأثيث غرفتنا او أكلنا وأدوات 
المطبخ وحتى الشوكة هو يشتريها وتعرفون ذوق الرجال كيف أشياء ما تصلح الا يمشي رأيه 
طلبنا انا وأخواتي دولاب نحط فيه أغراضنا بعد سب ولعن وتذليل  راح اشترا دولاب مطبخ وحطه بغرفتنا سكتنا 
حريم اخواني مسيطرين على إخواني وأبوي يجبرنا نطبخ لهم زي الخدم لو تكلمنا دعى علينا 
وهاوشنا اخواني بكل مراره أقول مافيهم خير حريمهم يدقونا بالهرج وإذا ردينا عليهم يسلطون 
اخواني علينا وهم يعلمون ابوي عشان يهزأنا عندهم حريمهم صادقات واحنا كذابات 
وأبوي فيه طبع يفضل ااخواني علينا سفريات ويعطيهم من الفلوس ويسافرون هم وحريمهم 
ولو طلبتي 100 هاوشنا وبالقوة يعطينا  وحريمهم يتفاخرون بملابسهم الماركة ولا تقديماتهم الغريبه
ترا كلها نعرفها بس ابوي مايخلينا نسوي كذا بيتنا صار كلن ما يطيق الثاني من عصبية ابوي 
وكلن يتصيد الغلط على الثاني ابوي يجبرنا نروح زواجات جماعته وهم شايفين نفسهم علينا 
كثير مواقف بينت هالشي وحتى ابوي ملتصق فيهم وهم يتهربون منه عشان عصبيته وتدخله 
في حياتهم للأسف مالي سند في الدنيا كرهت الزواج من كثر ماشفت حظ امي اللي دمرها ابوي 
لاشخصيه ولا بيت ولا عيال يساعدونها بالعكس لو جاها فلوس من خوالي أخذوه اخواني تصدقن 
امي ماعندها دولاب ملابس وغرفة نوم حاطة ملابسها في أكياس ولا عنها مطبخ زين مطبخنا 
مفتت الخشب ونص الأدراج مكسره عندي اخت متزوجة متدينة كثير ربي رزقها بزوج شكاك 
مريض يسمع كلام أخواته وتسليطاتهم عشان كذا أقول في نفسي اختي المتدينة جاها واحد كذا 
كيف انا اللي على قد حالي كثير فكرت بالانتحار ما أشوف لحياتي مستقبل نسيت اذكر لكم 
ابوي مهما سويتي مايشوفك شي ولا فيك فايده ولا خير ويفضحك قدام الناس وكل شي يخرب 
في البيت انتم السبب قصده انا وأخواتي وأمي حتى قدام حريم اخواني يسب امي 
حتى قدام عيال اخواني ما يحترمها وهم الحين صغار بالابتدائي وهي امي ماقصرت 
قامت فيه وفينا وفي ابوه وحريم اخواني وهذا جزاها وحتى الأكل يحاسبنا عليه 
اعرف انه ابوي ومن حقه الاحترام سوينا كل شي ما فاد مايعجبه شي مره لو جا يوم ما هاوش 
يحس ناقصه شي طنشنا كثير بس تعبنا وصرنا عصبيين وما نتحمل شي خلاص 
أسفة طولت عليكم وكلامي على بعضه اللي تذكرته كتبته الحين جاتني حالت تبلد ماتدخل في احد 
ولا أتكلم مع احد أسوي شغلتي واروح الغرفة وإذا سمعت احد يسلط ابوي علينا من اخواني ارفع 
يدينني و اتحسب عليه وأدعي خلاص النفس طابت من كل شي 

ابغى حلول اللي عندها تكتبها وجزاها الله الخير كله واللي بتسب ونفسها شينه حسبي الله ونعم الوكيل 

55 تعليق 11,441 مشاهدة

شاركي في النقاش

سجلي الدخول لإضافة تعليق.

التعليقات

54
  1. @am_fros1234

    الله يعوض صبركم خير هذا الي اقدر اقوله
    والله يرزقك انتي وخواتك برجال يشيلونكم فوق روسهم
  2. @tanya_5

    صاحبة الموضوع
    تانيا 5
    مشكوره ام فروس جزاك الله الخير كله  امين يارب 
    ابغى أقول لكل زوجة تسبب مشاكل بين الاخوان والأخوات تذكري قدرت الله عليك 
    تذكري ان الدنيا تدور ويتذوقين نفس الكأس من أعز الناس حتى لو مثلتي الطيب قدام زوجك 
    الله شايف وعارف نيتك حسبي الله ونعم الوكيل 
  3. @thny_khyr

    تانيا 5
    ابغى أقول لكل زوجة تسبب مشاكل بين الاخوان والأخوات تذكري قدرت الله عليك  تذكري ان الدنيا تدور ويتذوقين نفس الكأس من أعز الناس حتى لو مثلتي الطيب قدام زوجك  الله شايف وعارف نيتك حسبي الله ونعم الوكيل 
    يا قلبي الله يفرج همك أوصيك بكثرة الا ستغفار والصلاة على الرسول صَلِّ الله عليه وسلم

تابعي تجارب أخرى من هذا القسم.