تصرفات اهلي تزعجني ابي حل

لاحول ولاقوة الا بالله الله يصبركم ويهدي أبوكم

الله يفرج همكن ويعوضكم خير ي رب

جزاكم الله خير على دعواتكم 
الله يجبر بخاطركم يارب 


اختي ريما امي ما تقدر تتطلق ابوي عارف انه ما ورآها احد حتى حريم خوالي مايبون احد 
الناس صارت نفسي نفسي وإخواني ما يقدرون يتصرفون الا بأمر أبوي ومستحيل انه بوافق 
 

 عيشتنا كأننا في معسكر كل شي لازم بمواعيد لو تأخرنا بالغدا ساعة تجنن والناس لها
الظاهر ابوي قدامهم ملاك وكلن يحسدنا عليه ماعشروه وعرفوه على حقيقته تخيلو امي
يحبسها عنده بالغرفة ما يبي مكيف ولا مراوح ولا يفتح شباك غرفته كأنها كهف وأمي مسكينة
لها سنين تنام في الكتمة لما نبي شي من السوق كان يعطينا مية او ميتين بالهواش والسب 
الحين عشان امي يعطونها خوالي مايصرف علينا ولايعطينا بس يقضي الأكل للبيت  الحمد
لله جا حافز وشوي خفف علينا اشترينا كل اللي نبي و اشترينا لأمي تقديمات للضيوف
وأشياء كثيره لها فرحت بها الله يخليها لي ولا يحرمني منها هي الوحيدة اللي تستاهل أضحي بحياتي
عشانها  ، مو كل شي يشتريه اللي ياكله وأحيانا يشتري اللي نبيه انا أحب اطبخ واسوي صواني يهاوشني 
اذا خلصت المقاضي ، اخواني طالعين مثله خيرهم وكلامهم الطيب واحترامهم للناس كأنه 
احنا أخواته ما عندنا كرامه ولا احساس اخواني عندهم طبع اذا اشتريت لك شي يذلك فيه 
يبي تسيرين خادمه له وتسوين اللي يبيه وإذا قلتي لا يقولك انا اشتريت لك وانا أعطيتك 
الحين ابوي كبر ومرض مايقدر يطلع كثير اخواني يعاملونه زي ما يعاملنا يسحبون عليه 
ولا يردون عليه اذا اتصل فيهم ، هذا دلعه لهم احيانا أقول يستاهل من قهري عليه 
دلعهم مره كبار و متزوجين ولايعرفون يشترون ذبيحه كان ابوي هو يشتريها ويسدد عنهم 
ويسوي إشغالهم وهم نايمين ، وفي رمضان اكره عمري طبعا كان الفطور عندنا كأننا خدم 
نسوي سفره انا وأمي وأخواتي وحريمهم يجون يأكلون و يصحون على المغرب عيونهم منتفخة 
من النوم سكتنا كثير اخر شي تخاصمنا مع ابوي ليش ما يساعدونا طبعا بعد سب ولعن 
وهواش وقطيعه مننا له ولأخواني وحريمهم صار كل واحد يمنع حرمته تجي عندنا يعني 
يانكون خدم عندهم او يقاطعونا هم وحريمهم ، طنشناهم ولا سألنا فيهم وأبوي دائماً يحملنا
السبب انتم بعدتو عيالي  بس الحين يجون عند امي وابوي اخواني وعيالهم يسلمون عليهم 
تصدقون وحده من حريم اخواني ابوي زمان يدافع عنها ويهاوشنا اذا ما نزلنا لها اكل وهي طبعا 
مره ما تطبخ ولا تعرف درب المطبخ و كان اخوي بعيد في مهمه طويله ماراحت بيت أهلها ابوي 
وإخواني يقضون لها عشا وغدا وكل طلباتها مجابه الحين تشوف ابوي تتهرب ولا تسلم عليه 
ولا شفناها الا عيد رمضان اللي فات وهي تحتنا ساكنة ابوي مرض ودخل المستشفى ولا رفعت السماعة قالت سلامتك يا عمي لكن هو يستاهل كل اللي يسويه اذا تكلمنا نحصل سب ولعن وقطيعه وهواش وأبوي يدعي 
علينا وأخوي يتمنذل فينا ويسلط ابوي وإخواني علينا ، صرت اسكت وأدعي عليهم والله من الكره لهم 
افرح اذا جاتهم مشاكل ، كثير كلام ودي أقوله من الحريم تكلمو فينا واتهمونا ظلم وإخوان يقاطعونا 
خلاص تعودنا حياتي مالها اي معنى ماعاد أتكلم بس أطالع وأقول حسبي الله ونعم الوكيل 
خليهم ينبسطون ويسافرون وانا وأخواتي زي الخدم تعدينا الثلاثين ومحد فكر فينا 
واحنا طنشناهم تتجمع انا وأخواتي وعيالهم مانبي احد معانا وصارو أخواتي ما يقصرون يشترون 
لنا اللي نبيه الحمد لله على كل حال 

مشكوره أخواتي سمعت ولي وفضفضت شوي لكم 

الله يعوضك يااااااااارب بواحد يحبك ويعطيك كل اللي تتمنيه انتي وخواتك


انامادري ولا وحده من حريم اخونك عندها احساس او قلب مرررررره يقهر حسبي الله عليهم هم واخوانك