المطلقـــات بأطفالهم!

اولادك صغار ومع الوقت بيتعودو اشتري لهم العاب جديده واجلسي معهم تكلمي والعبي  وبالنسبه لاسئلتهم افضل تسئلي احد مختص وابوهم لازم يزورهم اقل شي مرتين بالشهر الله يحفظ لك اولادك ويعوضك خير

اختي واقع كانك تتكلمين عني انا واولادي قلبي ينحرق عليهم بس وش اسوي مابيدي شي اسويه كنت حافضه بيتي واولادي وزوجي بس طلقني بدون سبب حتى طلقني وانا ماادري الاابوه جاب ورقتي اخوي كان متزوج اخته وحصل بينهم مشاكل وطلقها اخوي واهله خلوه يطلقني هدموو بيتي وشتتو اطفالي حسبي يالله ونعم الوكيل وهو كان زواجه قبل اسبوع ولافكر لافيني ولافي اولاده ولدي الكبير عمره 4 سنوات يسالني ماما متى نروح لببتنا الثاني ماما ليش بابا مايقعد عندنا بس حسبي يالله ونعم الوكيل الله ياخذ حقي انا واولادي منه ومن اهله

ياقلبي انا مثلك اول ماتطلقت كان وحيدي كل دقيقة يسالني ليه مانروح بيتنا اللي عند بابا ويوم كبر يقول ياحظ العيال ابوانهم يجونهم بالمدرسة ويسالون عنهم وانا لا واقسم بالله يتقطع قلبي لكن الشكوى لله وش نسوي بكرا يكبرون وينسون

اصعب شيء على الطفل انفصال الوالدين النفسيه حتكون مش كويسه و بيتعقد مهما مدحتي في اخلاق ابوه بيكبرون ومصيرهم يعرفون واسألي مجرب انا عانيت من انفصال امي وابوي مع ان امي و خوالي كانوا مدلعينا وامي ما كانت تسب ابوي بالعكس تمدح فيه بس خوالي كانوا يقولون سبب الانفصال وصرت اكره ابوي غصب عني واتفشل منه ولا ابغى اشوفه بسبب عمايله 

الله يخليلك اولادك ويحفظهم لك يارب