دخل اخوه جناحي..........

طيب عادي العامل يشوف مو العامل كمان رجال ؟؟؟؟

بما ان زوجك ما تكلم فما في داعي تكبرين السالفة بعينه ،، يمكن هو عاذرك و بهواشك بيقول اي و الله فشلتني بأخوي !!!

دايما يا اختي اذا انحرجتي من شيء احتفظي فيه لنفسك ،، صديقك تتغير نظرته لك و عدوك يتشمت فيك

المهم

اولا الرجال معروف عنهم انهم ما يفكرون مثلنا فما ينفع سالفة ليش تدخله لانك بتكونين مثل اللي ينفخ في قربه مشقوقة ،،،، هذا الشيء منتهين منه ، الرجال ما يفكرون مثلنا و لا يوزنون الامور بميزاننا و الكلام معاهم ضايع ،، مو لانهم يعاندون او متعمدين لكن هاذي طبيعتهم


ثانيا: خليك مستعده دائما ،، ما اقولك خليك مثل النحله ما تجلسين و لا اقولك خلي بيتك غرفة عمليات من زود التنظيف و التعقيم

لكن حافظي على الاساسيات

غرفة التفتيش شوفي لها حل ،،

الحمام خلي عندك مطهر بس قبل ما تطلعين كبي شوي و اشطفيه

اغراضك خلي لها دولاب مسكر مو شفاف بالحمام ،، او خصصي لها شنطة صغيره اذا خلصتي ترجعينها للدرج في غرفة النوم

اغراضك و اغراض عيالك ،، اللي ما تشيله الدروج تخلصي منه مباشره لا تقولين بحط على الطاولة و لا فوق الدولاب و لا على الرف ،، اللي ما له محل بالدولاب تخلصي منه

حتى العاب عيالك اللي ما يشيله صندوق الالعاب تخلصي منه مباشره ؛: تهدينه تودينه للجمعية اي شيء،،،، و اذا هم ثلاث سنوات و فوق فهميهم و دربيهم ان ما فيه عشاء و لا نوم قبل ما تجمع الالعاب في الصندوق ،، حتى لو تبدأين تعليمهم بطريقة اللعب معهم لين ما يكبرون على هالشيء

زوجك تفاهمي معه انه مسؤول عن اغراضه ،، مو المنشفه يرميها في الارض اذا خلص منها و ملابس يغير و يرمي على السرير ،،. لا .. اي شيء له يرفعه الله لا يهينه ،،، ما اقولك تهاوشي معه ،، كل شيء يجي بالتفاهم و الريق الحلو و التعويد

و انتي يا اختي ،،. اولا حافظي على اذكارك و منها الذكر اللي نصح فيه الرسول صلى الله عليه و سلم به فاطمه رضي الله عنها و قال لها هو خير لك من خادم و هو :
قَالَ:" أَلَا أَدُلُّكِ عَلَى مَا هُوَ خَيْرٌ لَكِ مِنْ خَادِمٍ،تُسَبِّحِينَ ثَلَاثًا وَثَلَاثِينَ، وَتَحْمَدِينَ ثَلَاثًا وَثَلَاثِينَ، وَتُكَبِّرِينَ أَرْبَعًا وَثَلَاثِينَ،حِينَ تَأْخُذِينَ مَضْجَعَكِ ".

و حاولين تقسمين شغلك ،، لا تسوين كل شيء و تنظفين البيت كله بيوم واحد ،، لا ،، ينفع لحالتك تقسيم الشغل ،، و مو لازم جدول اذا ما تحبين الجداول ،، انتي بينك و بين نفسك كل يوم لا تنامين الا لما تكونين نظفتي شيء معين ،، او خصصي لك ساعه او ساعتين في اليوم للتنظيف اقصد غير الشغل الروتيني من طبخ و غسيل مواعين

و حاولي ما تكررين كلمة انا اكره الشغل انا يصير فينا كذا اذا جيت اشتغل ،، لان عقلك الباطن تلقائيا يطبقها ،،، اقنعي نفسك انك تقدرين و توكلي على الله

نصيحتي المختصره لك :

ابتعدي عن البحث عن المثاليه و الكمال
ابتعدي عن لوم و جلد الذات
شجعي و عودي زوجك و اولادك يساعدونك
خصصي وقت او جزء معين لتنظيفه يوميا
امدحي نفسك و كافئيها كل ما التزمتي
و قبل هذا و ذاك توكلي على الله

تأكدي ان كلنا مثلك ،، ما انتي لحالك ،، كل يوم نعاني و كل يوم نقول الله المعين

انا ساكنه معهم عندي بيت جديد الحمدلله بس ماروح له دايم وسبحان الله عادي احب ارتبه ونظيف كل وقت بس البلا بهذا البيت بيت حمولتي

لا تكبرينها قلبي شئ صار وخلاص
شوفي هو طبيعي تتضايقين بس هو بالنسباله يشوفها أخوه عادي ..ما فكر بالخصوصيات
وإن شاء الله ما بيكررها

الرجال مايدققون ولاينتبهون لاتشيلين هم من اخو زوجك واغلبهم مالهم بكثره الحكي والقيل والقال بس لو حريم كان قلتلك صح يحق لك تزعلين لان فعلا بيتكلمون ويطلعون فيك ميه عذروب 
بنسبه لشغل البيت اشوف انسب حل لك الشغاله والله مومعقوله الوحده تفني عمرها بالتنظيف والكرف وبلحظه يتوسخ من البزوره وترجع تكرف جيبي شغاله بالساعه تنفظ البيت نفظ او استقدمي 
شغاله وريحي بالك واهتمي بنفسسك ودلعيها