اللي تراجع في العسكري (الرياض) تدخل تعلمني وش السالفة..

انا اتابع عندهم ومواعيدي كل شهر لانه عندي سكر حمل بس الحين بالتاسع اخروا موعدي اسبوعين يمكن عشان تنويم الطلق الصناعي بس المستشفى روعه الله يجزاهم خير نظافه وعنايه واهتمام الولاده طبعا بغرفه لحالك وبعد الولاده غرفه مشتركه 2 غالبا بس نظافه احسن من الخاص

ررفعع نبغى معلومات زياده عن المستشفى اي وحده ولدت فيه تقول لنا عنه

انا ماولدت فيه 

لكن متابعة الحمل كانت في العسكري 

بالعكس اشوف متابعتهم كويسه ..
بالاشهر اﻻولى موعد كل شهر
والتاسع كانوا يعطوني مراجعه كل اسبوع 
اﻻشهر اﻻولى تابعت بالوزارات ..والشهور اﻻخيرة حولوني على المستشفى الرئيسي 

انتو من جدكم تتكلمون عن العسكري....مستحيييييل اكيد فيه شي غلط، ،
لما كنت حامل ماقعد احد ماسالته عنه والكل يمدح وللاسف رحت وليتني مارحت تابعت عندهم من السابع..ولما وصلت للثامن حولوني على الكبير وعطوني موعد اخر يوم بالتاسع وجيتهم قالو اليوم خلصتي التاسع وتعالي بعد عشر ايام تنويم لو ماولدتي..طبعا بدون مايسوو اشاعه ولاشي..بعد يومين جاني طلق ورحت الطوارئ وكلهم افريقيات يروعون واسلوب زفت وبعد معاناه بالطوارى اكتشفو ان الجنين متبرز ببطني وصارت مشكله بدقات قلبه وجت الدكتوره سعوديه ورب البيت ورب البيت انها تنافخ علي كاني طفل صغير وتضرب فخذي تقول افتحي رجلك وانا من الخوف ماقدرت.....وبعد كل هذا ولدوني عمليه...حسبنا الله وكفى 

خوفتيني :(:(