شاركي في النقاش

سجلي الدخول لإضافة تعليق.

التعليقات

1,177
  1. ام لمار واختها_
    السلام عليكم ورحمة الله وبركاته اللهم آجرنا في مصيبتنا واخلف لنا خيراً منها اختي الله يرحمها ويغفر لها تعرضت لظلم واهانه وقسوه وماتت صغيره وعمرها بالثلاثين .. كملت سنه الآن توفت 1434/6/5هــ والله ماكان فيها الا العافية .. ماتت وهي حامل …
    الله يرحمها ويغفر لها
    اللهم أرحم أموات المسلمين جميعهم،اللهم انهم ضيوف عندك فأكرمهم وانت أكرم الأكرمين
  2. @alghlalamy_oaboy_1

    انا لمن ماتت جدتي أم امي الله يرحمها
    ثالث يوم تحلمت أنها نادتني ونزلت لها وكأنها في غرفه كبيرة منووووووورة مررة ماشاء الله تقولي ايش رايك في غرفتي سبحان الله النور اللي في غرفتها شي عجيب سلمت عليها وطلعت
    واحد من جماعتنا ثاني يوم من وفاته شفته وقلت له كيف حالك ابتسم وقال الحمدلله وهيئته زي ايام شبابه سبحان الله
    الله يرحمهم
  3. @mlk_akhlak

    الغلالامي وابوي
    انا لمن ماتت جدتي أم امي الله يرحمها ثالث يوم تحلمت أنها نادتني ونزلت لها وكأنها في غرفه كبيرة منووووووورة مررة ماشاء الله تقولي ايش رايك في غرفتي سبحان الله النور اللي في غرفتها شي عجيب سلمت عليها وطلعت واحد من جماعتنا ثاني يوم من وفاته …
    سبحان الله
  4. @mlk_akhlak

    ملكة أخلاق
    سبحان الله
    أبوي متوفي صار له تقريبا سنتين و قبل تقريبا سنة واحد من أخواني دخل السجن بسبب دين و كنا مو طايقين أخوي هذا بسبب مشاكله

    المهم يوم أنسجن أخوي تركناه و لا زرناه بس واحد من أخواني و ربعه زاروه و واحد من أخواني يحاول يسأل عنه بس ما يزوره و أصلا مابيدنا شي ولا نقدر نسدد الدين الكبير المهم أنا و أمي و خواتي ما زرناه نهائي و كنت أقول أحسن عشان يتعلم من أخطائه

    و بليلة من الليالي نمت و حلمت حلم طويل نسيت جزء منه حلمت أن فيه ناس يلاحقوني و أنا خايفة و أركض أركض و خايفة منهم فجأة وصلت مكان فيه أبوي و كان قاعد يوضي وقدامه سطول بيض كثيييييييرة و هو يوضي من هالسطول و قعدت أتأمله كان لابس ثوب أبيض و شماغ و يوضي فجأة ناظرني و في وجهه الغضب و الزعل و قالي كلام فيما معناه ليش خليتوا فلان (أخوي المسجون) و كأنه ينهرني و يقولي لا تخلونه لا تخلونه يقولها و في وجهه الزعل مني

    قمت من النوم و تذكرت أخوي بالسجن و أحنا من يوم أنسجن مازرناه و أبوي الله يرحمه يذكرنا فيه يبينا نساعده بعد هالحلم مادري بيوم أو يومين رحنا زرنا أخوي يوم شافنا طار من الفرحة و كان باين عليه الهم و الحزن

    كل ماتذكر هالحلم أبكي أبوي حس بأخوي هو ميت و زعلان منا لأنا تركناه رغم إن أخوي مو كفو للمساعدة أنا أقول يمكن روح أبوي جات أخوي بالسجن و شافته حزين الله يرحمك يا أبوي

    أدعوا لأبوي بالرحمة و لأخوي بسداد ديونه و زوال همومه و صلاح أموره صح طلع من السجن بس للحين عليه ديون و ناس يلاحقونه يبون حقوقهم لعل فيكم مستجابة دعوة

تابعي تجارب أخرى من هذا القسم.