انا صار معي سكر الحمل بحملي الثاني وكنت اخد انسولين وكل خوفهم كان على الجنين وعلى حجمه يعني كان في متابعه وسونار باستمرار عشان وزن البيبي لانه ازا زاد عن الحد الطبيعي بعملوا ولاده قيصرية لانه السكر ممك ياثر على رئة البيبي
بس انا بحملي بنزل وزني كتير والبيبي عندي بضل صغير ما بكبر وقالت الدكتورة الي وقتها انه مرات سكر الحمل بكون بس خربطة هرمونات ولما رحت اولد ضليت 12 ساعه بالطلق وكل ساعتين كانوا يقيسوا السكر ومعروف سكر الحمل انه بعد الولاده بروح ونادر جدا انه يضل مع الوحده وطبعا خلال اول يومين من الولاده البيبي كمان بضلوا يعملوا له تحليل السكر كل ساعتين
وحاليا انا حامل بعد خمس سنوات ونص وطلبت مني الدكتورة اعمل تحليل السكر عالبدري هالمرة للاطمنان والمتابعه
وان شالله خير مع العلم الدكتورة قالتلي مو شرط هالمرة كمان يصير سكر حمل بس الافضل نطمن
اه صحيح كمان بعد الولاده ب 6 شهور طلبوا مني اعمل تحليل السكر عشان نتاكد انه ما استمر والحمدلله كان طبيعي
استفسار عن سكر الحمل
متابعة النقاش، صفحة 6