بالعكس عنودة احلا يضل يحسب لابوك وامك حساب ويحترمهم انا بقصد بين الاخوة والزوج يكون بينهم صداقة ومزح ويضل عند اهل زوجتة على طبيعتة
اما بالنسبة للسكن انت راح تسكني معهم بنفس البيت
الله يعين تعرفي المشكلة وين يا عنودة انة اذا تنازلتي عن حق من حقوقك لانك بنت ناس ومربية وذوقة
هذا الشيء الي تنازلتي عنة في المستقبل بصير عادي عندهم ولآ كمان هذا واجب عليك تسوية بالغصب وبطالبك بكرة زوجك بأشياء اكبر واكبر لانة لازوم عليك تسوية مش بقولوا كتر الله خيرها بنت الناس الي بطلع منها ما بطلع من غيرها انا ما بدي اخوفك بس بدي اياكي ما تنزلي عن حق من حقوقك مهما كان من اولها من هلأ فهمي خطيبك بأسلوب لطيف وحلو شو الشغلات الي بتحبيها الاشياء الي ما بتفضليها لانة يا عنودة احنا بطبعنا بنضل بشر والبشر خطائين حتمآ ولا بد يصير بينهم تتش حتى لو كان الانسان طيب وبحالة وخصوصآ بين العائلات
علشان هيك انا بحكي في نفسي ان شاء الله بكرة ولادي الصبيان ما راح اخليهم يعشوا معنا بنفس البيت شو احنا عايشين بزمن ستي وهذا لمصحتهم مع نسوانهم كمان
عنودة انا بحكي من رأي وتجربة شخصي ليست مقياس على كل الناس وما بتعرفي يختي كيف دار حماك يمكن طيبين وفاهمين علشان هيك لاتخافي ان شاء الله ما بيكون الاكل خير بس زي ما قلتلك لاتتنازلي كتير علشان ما تتعبي كتير
الله يوفقك بتمنالك كل خير
لقاء الأحبة *3*
متابعة النقاش، صفحة 393