فقدان الرغبه عند الزوج

السلام عليكم 
انا متزوجه من سنتين و نصف وماعندي اطفال لان متفقين ناجل الموضوع عشان دراستي 

مشكلتي مع زوجي انه من سنة و هو الرغبه الجنسيه بتقل عندو تدريجيا ووصلت لاقل من مره بالشهر حاليا و فاتحتو بالموضوع مرتين خلال هادي السنه المره الاولى قالي انو مافي اي شي غلط مني او عليا وانو هو بس يبغا يشتاق لي 
وثاني مره عصب عليا و قال انو مافي سبب و انو لسا قدامنا العمر كلو و انو انا بس ادور مشاكل 


انا عمري 20  والكل يشهد بجمالي و انوثتي والحمدلله و اهتم بنفسي  ومع انو مهملني ما اهملت نفسي وهو عمرو 30 و هو مدخن و عندو مشاكل في شغلو دايما عشان بيشتغل مع ابوه وابوه طباعو صعبه 
و دايما مهموم بسبب الشغل و بيرهقه كثير 

انا نفسيتي تعبت من الموضوع لان ما اعرف ايش السبب و ما احد يقول يعرف وحده تانيه او بيشوف افلام لان زوجي مستحيل يسوي زي كده و مع العلم انو الحياه بيناا طييعيه جدا و في بيننا الاشيا اليوميه زي العناق و نضحك مع بعض و لا كانو في شي 


هل السبب هو التدخين ؟ او من مشاكل الشغل ؟ او  من خبرتكم ايش نظنو السبب مع العلم انو في السنه الاولى من الزواج كان غير  كده كنا زي الازواج الطبيعين 

ولو ماعندكم حل لي ارجوكم تدعولي عشان تعبت نفسيا و الله يفرج عننا وعنكم وشكرا 

6 تعليق 1,800 مشاهدة

شاركي في النقاش

سجلي الدخول لإضافة تعليق.

التعليقات

6
  1. @mamto_laazozy

    يا حبيبتي انتي قلتيها تعبان ومهموم من شغله وطبع ابوه
    هالشي يعتمد اعتماد كبييير على الحاله النفسيه والارهاق هي مو تأدية واجب والسلام
  2. @am_aamr_oayad

    يمكن انتي جت فتره امتنعتي عنه وتعود حاول تتفقين معاه يوم ويوم لا وهو بيتعود وبيزيد نشاطه وفي احتمال ثاني يكون السبب منك في شي في العلاقه خلاه يبعد عنك حاولي تعرفي السبب وثقفي نفسك اكثر في الاشيا هاذي
  3. @lhfh_oshok

    مدري انا اشوف دامه مو مقصر وفيه عاطفه في حياتك هذا اهم شي .
    وربي ياأختي العزيزه ان حياتي كلها جفاف عاطفي بس وقت هذاك احس برومانسيته بس طبعا لغرض .
    والا ماعمره حضني والا قالي كلام حلو بس الحمدلله ماشيين

تابعي تجارب أخرى من هذا القسم.