موقفين مريت فيهم ما أدري بأيش أوصفهم !؟
هلا وغلا بأخواتي الحبيبات بسرعه بدخل بسرد الموقفين و رايكم يهمني :)
لما تتصلين بصاحبه و تعزمينها ع العشاء بمطعم و توافق و تنبسط
وتحددين لها اليوم والوقت ... بعدها تروحين للمطعم وتنتظرين فتره
وما حضرت الأخت وتقومين تتصلين فيها بتشوفين وينها !
وتقولك خلاص لبست عبايتي بطلع .... بعدها تنتظري وقت أطول من الأول
وتزهقين من الإنتظار وترجعين تتصلين فيها : هاه فلانه وينك طلعتي ؟!
تقولك أيوه بالطريق يا قلبي قربت !!!!!! و ترجعين لمواصلة الإنتظار الممل
ولا حس ولا خبر وتنتظرين وتنتظرين بعدها تتصلين : ها وصلتي ؟!
ترد عليك وبكل بجاحه وتقول إعذريني ما أقدر أجي جاني ضيوف !!!:08:
هنا وش بيكون موقفك :mad2:
لو ما مارست اللكاعه معي وقالت لي لابسه عبايتي طلعت وقالت لي خلاص
قربت كان ممكن أعذرها !! صح ولا لأ ؟؟؟؟ كيف يجيها ضيوف وهي قالت
طلعت وبالطريق وقربت منك أفهم بس :dry:
من تصرفها إكتشفت بإنها إنسانه لا مباليه بإحترام الموعد وإنسانه غير واضحه
أبدا وكانت تكذب علي وتصرفها جدا ضايقني لووووو إختصرت علي وعليها
وكانت واضحه وتعذرت مني قبل الموعد بشكل واضح وصريح عذرتها وبرحابة
صدر بس كذا شي لا يعقل !!!!!!
الموقف الثاني لما تعزمين وحده وبناتها فبيتك ع العشاء وتخبرينها إنه عشاء
مو شاي وقهوه وطقطقه لا فيها عشاء :pinklove2 وتقولك تم
وتتتعبين بالتجيهزات والإستعداد لإستقبالها وضيافتها وحشمتها فبيتك
وتنهدين بإعداد العشاء وكل شي يخصه و يجونك وتفرحين فيهم :)
تقدمين الضيافه يالله تكرمو ياخذون حبه !!! والقهوه فنجال فقططط
والشاي ما قربو له وحتى العصير !!!!
و وقت تقديم العشاء ما أكلو ولزمتي عليهم ويالله قامو أخذو سلطه فقط
وقالو لك معليش إعذرينا ترانا بعد ما نطلع من عندك معزومين عند ناس !!:mad2:
هنااااااااا في هذا الوقت وعند حلول الصاعقه عليك :08: وش بيكون موقفك ؟؟؟؟
وأيش بتسمين تصرفهم ؟؟؟؟؟؟
أنا عاتبتهم صح وقلت المفروض ما قبلتو عزيمتي طالما عندكم عزيمه ثانيه
وما حصلت غير الإبتسامات إلي فقعت مرارتي :mad2:
المايك لكم من أقهر وأغث المواقف إلي مرت علي :mad: