صديقتي وطليقها
السلام عليكم هذي مشكلة صديقتي وتبي منكم مشوره هي مطلقه بتكمل شهر لزواج دام سنه تقريبا هي اول ماتزوجت طليقها كان عنده بيت خالص تقريبا من دهان وغيره بس ماكان فيه اثاث الا المطبخ وغرفة النوم والباقي كله فاضي تقول من يوم تزوجته وهو يقول انتي عليك باقي الاثاث عشان تختارينه على ذوقك واناعندي ديون ومدري كيف ونتي تقدرين تاخذين قرض وتكملينه بحكم انها موظفة وهي كانت متردده بس تقول اهلي اقنعوني قالوا معليه تساعدين زوجك وبنهاية البيت بيتك بس يعني قسم النساء والباقي هو يكمله طبعا انا وافقت وقالي دامك اخذه قرض كمليه كله وانا ان شاء الله اسددك وتقريبا كلف عليها حول 80 الف مجالس الرجال والحريم والصالات مع التحف والحاجات هذي بعد ماخلص البيت ب4 شهور صار بينهم خلاف على حاجه تافهه مع تدخل اهله كبرت المشكله بعدين تقول حليناها واخذت اسبوعين بعدين رحت زيارة لأهلي عشان ملكة اختي مادريت الا يدق على اخوي ويقول انا طلقت اختك والورقه بالمحكمه بعدها بأسبوع جاب اغراضي وملابسي بس انا ماهمني دام هو الي بايعني قلعته بس انا الحين ادفع قيمة القرض وقلت لأهلي يجيبلي كل الاثاث الي انا خسرانه فيه ولا يرجعلي قيمته وهو واهله رافضين يقولون هذي عن قيمة المهر وتكاليف العرس طيب الي اعرفه اني ماخلعته ولا طلبت الطلاق على اي اساس ارجعلهم المهر وهل يابنات الاثاث من حقي ولا لا لان اهلي يقولون قلعته خل يولي هو اثاثه ومايضيع عند الله شي ونعم بالله بس والله مقهوره انا ادفع للقرض وهو جاه بارد مبرد