تكفون يا بنات عطوني رايكم اخوي في حيره

السلام عليكم ..

اخواتي لو عرض على وحده منكم شاب جميل ودين وطيب وحبوب ورمنسي واخلاق عاليه وكريم وكل صفه حلوه فيه لكن عنده مشكله في الانجاب يمكن ما يخلف هل ستوافقين ام لا ؟

سبب سؤالي اخوي الله يوفقه البارحه مسكته وقلت له ليش ما تتزوج هو طبعا كان متزوج واصابته هو وزوجته عين ولا انفكت الى بالطلاق المهم اني سألته البارحه ليش ما تتزوج قال يا اختي ما ابي اظلم وحده معي وهي تبي اولاد قلت له هذولي هم عليهم خمسه وسته وعايشين جحيم ونكد من ازواجهم السعاده والحب تسوى الاولاد وكل شيء قال ما ادري اخاف من الظلم قلت اصلا انت بتقول للي بتتقدم لها قال اكيد وهذا ما اخرني قلت طيب نسيت ان فيك صفات ما توجد في احد والله يا بنات انه يوم كان متزوج والله انه يقبل رجل زوجته من طيب قلبه والله ان اكثر شغل البيت عليه والله بعض المرات اذا جاء البيت وحصل زوجته مسويه غداء يزعل يقول ليش تعبين نفسك ابيك ترتاحين وانا اي شيء يكفيني والله انه اذا يبي يغسل ملابسه والله انه يقوم بنفسه يغسلها في الغساله وزوجته تزعل عليه ويقوم يحب يدها ويقول حنا واحد والله انه كل يومين يوديها لهلها لأن اهلها بنفس المدينه اللي عايشين فيها وتقول ليه كذا قال عشان تبرين فيهم ما بقي من حياتهم وتشوفين اذا يحتاجون شيء وانا بحصل على نفس الاجر والله ان اكثر وقته يوديها مطاعم وخرجات وحدائق.. وباقي حاجات لو اذكرها لكم ما صدقتو فبسكت عشان ما احد يقول اني اكذب ..

المهم حبايبي تتوقعون احد بيوافق عليه ؟

79 تعليق 14,688 مشاهدة

شاركي في النقاش

سجلي الدخول لإضافة تعليق.

التعليقات

74
  1. @sghyronh_hnonh

    مادري بصراحه الله يكتبله اللي فيه الخير ،،
    بس تصرف طليقته عقلاني لان الاطفال جدا مهمين لاستمرار الحياه الزوجيه
    وياليت اعرف منك كم استمر زواجهم ؟!
  2. ايه ياقلبي فيه مليون وحدة ووحدة ممكن توافق عليه
    بعدين املي صدره ثقة بالله انه ممكن ينجب ،، مامن داء الا وله دواء
    بس خليه يرجع للقرآن رالأدوية الشعبية
    الله يرزقه الزوجه الصالحة والذرية اللي تملأ بيته عاجلا غير آجل
    بس انتبهو لا تخطبون له بدون ماتوضحون المشكله اللي عنده لخطيبته
    وعليك بالدعاء له في جوف الليل
    وانصحيه انه يدعي ولا ييأس من رحمة الله
  3. @bbdaaamn_gdyd

    الله يرزقه زوجه صالحه ان شاءالله
    طيب ليه ماتخذون له ارمله او مطلقه وعندها عيال يسستر عليها ويربي عيالها ومراح تكون عندها مشكله بالخلفه لان عندها اطفال

تابعي تجارب أخرى من هذا القسم.