جاني متوتر وخايف

والله هرجة انو غير رقمك ماينسكت عنها
يعني مو معقول التصرف دا الا لو كان له يد بالمصيبة اللي حاصلة
معليش لو مكانك دحين دحين اجلس معاه وافهم الموضوع ولازم توريه انك فاهمة وانو كدب عليكي بهرجة النمبربوك وانو لو صاحبو عامل المشكلة ليه انتي يتغير رقم جوالك ، مو منطق نهائي .. قوليلو لو أجيب واحد من الشارع اسألو حيشك فيك ، أقلها يشرح لك الموضوع بصصصراحة من غير لف ودوران او حتبلغي اهلك بالموضوع ، قوليلو أخاف على نفسي لاتجيب ليا مرض ولاطبينة ..

ابصم بصوابعي العشرة الموضوع خاص بزوجك وصديقه شماعة فقط
وتراه تاب ورجع لعقله
افتحي الموضوع وقولي له انا ماني بزر وتراي فاهمة الموضوع وان تكلمت بصدق راح اصدقك واسامحك واحتويك وان ما صدقت راح تندم
ولا تخلينه يمسك جوالك ابدا
وشوفي ايش راح يصير

اختي لو انا منك انا اللي ادق عليها من رقم غريب
ليش هالضعف وليش هالخوف
اواجهها اعرف وش اللي يصير من وراي
مرتاحة انتي كذا؟؟؟ بكرى تكبر ومايمديك تعالجين الموضوع
كلميها يختي او ع الاقل ردي عليها
اعرفي وش السالفة

كل هدا التوتر وانتي ماتنامي وتعبانة من التفكير
وبتخليه يسافر؟
تعرفي انك في وضع كلامك الأن اوامر عنده
امنعيه من السفر
وقولي شوف صاحبك فلان ايش صار معاه؟
ذكريه بعاقبة السفر وانك مارح تسامحيه لو سافر هالمرة
يلغي رقمك ويسافر بعدها؟
ابدا لاتسمحي للوضع يتطور اكتر
وادا فعلا ماسافر وصارحك باي شي خليكي زيما انتي هادية قدامه لاتنفعلي واوهميه انك ممكن تسامحيه
علشان يتكلم ويقول لعل فيه اشياء مخبيها ولو انفعلتي يكتمها
اسأل الله ان يصرف زوجك عن الحرام ويرده عن السفر.
زيما قالت الأخت نيران
صلي وادعي ربي يكشف لك كل شي ويستر عليكم.

بلنسيا انتي ما شا الله عليك ذكية وحكيمة
لكن بنات المنتدى بحكم المستمعات يبغون يعرفون ايش السالفة وهل توقعاتهم صحيحة!! زي اللي يطالع مسلسل ويقعد يقول ياترى كيف نهاية الحلقة الاخيرة
المهم التروي في مثل هذي الامور زين
انا اعتقد تصرفك صحيح ١٠٠٪