الله يرحمكم أرحموني من ولدي أحس أني بذبحه

عزيزتي من اكبر المسؤليات هي الامومه
وكل الأعمال و الوظايف لها ساعات راحه و اجازه الى الأمومه سبحان الله

انا عندي خبره في هذه الامور مع انو ما عندي اطفال بس حسب دراستي وعملي قبل سنوات
كان مع اطفال احتياجات خاصه اما الدراسه علم نفس اطفال

الطفل عجينه انتي تشكلينها مثل ماتبين لكن اول شي حاولي تعرفين طريقه تواصل بينكم
هي النقطه الاهم

بالنسبه للحمام مالك الى حل واحد ولا يكبر ولدك اكثر لانه العلم منذ الصغر كالنقش على الحجر

الطريقه انك تسوين جدول بمخك او في ورقه او تنبيه بالجوال حسب الي يريحك
وكل ربع ساعه تدخلين الولد الحمام بوجه يظحك ونفس حلوه

ولو تستخدمين النونيه حقت الاطفال الي على شكل لعبه شي يفتح نفس البي بي
صحيح هو ماراح يتبول كل ربع ساعه لكن انتي ما تدرين بالضبط متى بيكون حشران

في حال شربتو عصير او بيبسي او اكلتو جح شي فيه سوائل كثيره لازم تودينه الحمام
طبعا الاستمرار على هذا الحال مستحيل لكن اسبوع واحد بس

الاسبوع الثاني كل نص ساعه وتسالين الولد هااا وين بنروح
علمني ايش راح نسوي الحين
الولد الحلوو وين يسوي بي بي

وتخلينه يجلس لحاله و يشيل ملابسه لحاله و انتي معاه وتشجعينه

الاسبوع الثالث كل اربعين او خمس و اربعين دقيقه تسالينه و تودينه بعد مو تسالين ولما يقولك لا تخلينه
لكن خليه يدخل الحمام و انتي واقفه تستنين براا
لو حاسه انا الولد بينظف نفسه لا تساعدينه ابد لو ما تثقين ادخلي بالاخير ساعديه بالتنظيف

بعدها الاسبوع الرابع اساليه كل ربع ساعه و طاوعيه لا تجبرينه الى لما يكمل ساعه او ساعه وربع ما دخل الحمام
خلال شهر بالكثير يكون تعلم وفي اقصى الحلات تاخذ كم اسبوع بعد الشهر

مافي شي يجي بالساهل ولله يعينك غاليتي ولا تنسي الجنه تحت اقدام الامهات

الضرب يزيد يتعب نفسيته حرام انا بنتي شوفيها اولى متوسط وفي الليل تصحى عاملتها على نفسها خاصمتها وضربتها آخر شي تركتها لين تتعود لما ماتشرب سوايل بعد الساعه ١٠ ماتعملها

استغفر الله ما ادري وش اقول معقول به امهات بهذا الشكل انا مو مصدقه والله تقولين ضربته. لدرجه باقتله يا الله اكتبها وقلبي يتعصر اذا انتم مو قد اطفال وما تبون اجر خلاص لا تجيبون اطفال منشان تعذبونهم يا قلبي عليه قاعده اتخيل كيف تضربينه لدرجه بتقتلينه تخيل بجد وانتي تضربينه ومع العصبيه ضربتيه بمنطقه تقتله وش استفدتي وما ينفع الندم اختي سامحيني لكن والله لن ولن ينفعك احد لو قالو ولدك كبير وانتي وانتي خليهم يتكلمون لا يهمك الي تقول مو معقوله كبير وما ادري والله لو انك تلبسينه حفاضه اصرف واحسن من ضربه اذا الام هي الامان للطفل وطفلك فقد الامان معك وين يلقاه صدقيني زي ما قالو بعض الخوات لن ينساها لك ولا تلومينه اذا ما بر بك تدرين ان الكلام يؤثر بهم وكثير بنات اعرفهم يكرهون امهاتهم واباءهم بسبب كلام بالطفوله كيف عاد ضرب وش الجريمه الي ارتكبها شي غصب عنه هل تعتقدين عدو لك يبي ينتقم منك اقسم بالله اني ماسكه اعصابي بالرد خافي الله هم امانه اجل كيف حق الام 3 والاب واحد لعظم ما تقوم به الام من جهد وتعب نفسي وجسدي لتنال الاجر والمثوبه من الله واحسن تعامل هي التربيه بالحب الله يعينك اذا ذا الموضوع سبب لك كذا اجل اذا كبرو وزاد همهم اقول الاهم والاولى تعالجين نفسك وتحلين مشكلتك بالعصبيه وادعي لهم ولنفسك واستغفري ربك وارجعي لصوابك واحمدي الله ان لم يصيبه اي عاهة ضميه وخليك الامان له مو الجندي الجلاد وخير يا طير صحا متبلل او بالنهار بلل نفسه الحمد لله الامور مره تسهلت به غسالات تماتيك تغسل وتشطف وتنشف وبعد به نشاف يخرج الملابس مره مكويه واخسرو واتعبو من اجل راحتكم وراحه ابناءكم وغيرك اطفالهم يعملون الكبيره طولت لكن حزني على طفلك خلاني اوصل لك ما بقلبي بجد حلي مشكلتك قبل تطالبينا بحل مشكله طفلك والله يهديك ويهدينا ويعيننا على تربيه انفسنا وتربيه اطفالنا

طريقه حلووه
لاسواها على نفسه قوليله بولت وطالعي فيه بنظرة وطنشيييه لاتغسلينه خليه يتضايق من البول ويحرقه مرتين او ثلاث بيعرف انه شي غلط وبيتقرف وعلى طول بيدخل الحمام
وكمان اذا بال على نفسه وطنشتيه وقوليله يع ياريحتك روح غير خليه هو يدخل يشطف ويلبس

هو اعتمد عليك وتساهلها يبول بالسروال اسهل له لانه عارف انك بتغيرين له على طول

استغفر الله والله ما ادري وش اكتب لك اختي بجد عورني قلبي عليه معقول به امهات بهذا الشكل اذا يقولون الام هي الامان للطفل فاقول يا عمري عليه من اين وكيف تلقى الامان اذا هذي امك الجندي الجلاد لك وهي بدل ما تكون الصدر الحنون والامان لك العكس هي مصدر رعب وخوف انا اقول اذا هذا الامر سوى بك كذا وبغيتي تقتلينه منشان تبول بملابسه وخير يا طير تبول الحمد لله ارميها بالغساله وخلاص به غسالات تسوي لك كل شي تماتيك تغسل وتشطف وبعضها تخرجها جاهزه للبس اتعبو واخسرو من اجلهم اجل كيف تطالبون الابناء بأن يبرو فيكم والله لن ينسى ما سويتيه به احمدي ربك كل لحظه ان ما حصل له عاهة او بجد توفي بسبب الحمد لله تبول بملابسه اذا انتي بجد ما لك صبر خليه بالبامبرز لين هو من نفسه يقول ما ابيها وبعدين يمكن به التهابات او ضعف بعضله المثانه اختي سامحيني والله من حزني عليه خلاني اقول لك كذا اتقي الله واستغفري وارجعي لصوابك عاملي اطفالك بالتربيه بالحب والحنان هي الي تنفع يا عمري عليه انا بس لمجرد التخيل اسمع صراخه من ضربك ودي ابكي بجد اختي اذا مالك بالاطفال وما لك قدره مو لازم تنجبين اطفال لحد الحين مو مستوعبه عنوانك وكلامك يا رب رحماك الله يهديك اختي