تجمع بنات ليبيا

شوف هالرابط http://forum.hawaaworld.com/showthread.php?t=621395

والله بالنسبة لللاكلات مايعرفو حاجة غير الرز المعجن اللي لا ملح ولا زيت ولا الصويا صوص .




ماتقوليش هكي توا يقولوا علينا لاخدة ولا قدمة :a_smil17:


مدام على

صباحك بالنور نهارك مبروك :26:

]

ماتقوليش هكي توا يقولوا علينا لاخدة ولا قدمة :a_smil17:

وخيتي تجويد شن أخبارك
والله اصدقتي هديكا الجهة ماعندهم غير الرز لكن والله يعجبوني عندهم طبيعه حــــــلوة

( احنا اسمنا فينا الفالحات كملنا شغلنا بكري وقعمزنا على الجهاز ... ههههههههههه )

راكم تحرجوا راني نبصر ... عموماً والله استحشناكم وماعاد حد طل وقعدنـــــــا بروحنا

هيا نوضوا فيسع حبابكم فاقدينكم ويبوكم هيا هيا انشططططططططططططططططططططوا

مشكورة يامدام على على مجهودك .... ولو كان تحطي الرابط

مساء الخير

اهلا يا بنات ليبيا الغاليات


هذا رابط موضوع الغالية مدام علي للحلويات الليبية

http://forum.hawaaworld.com/showthread.php?t=623431


وسلامات

أخواتي الليبيات العزيزات ( الكل يهمة الموضوع ونتمنى يعطي راية )

عندي ملاحظة على الملف يلي ناوين تفتحوة على الأكلات الليبية ان كان حلو والا مالح ، وياريت تاخدوها بصدر رحب ومايزعلش منها حد وتاخدوها بعين الأعتبار لأنه واقع وانا شخصياً شفتة وعن تجربة وهو انة ما شاء الله تبارك الرحمن ليبيا كبيرة ونتيجة لذلك توزع سكانها بشكل متباعد فنجد بنغازي بعيدة عن طرابلس وكأنهم كل وحدة دولة بداتها ( ربي مايفرقنا ) ونتج عن ذلك اختلاف في العادات والتقاليد بينهم ومنها الأكل فنجد أهل طرابلس يختلف أكلهم هلببببببببة عن أهل بنغازي ( مازلت نكرر من غير زعل وماتفهمونيش غلط ... لأني مانقصدش التفرقة ولا عندي عنصرية ) لكن انا شفت بعيني انة هنالك اختلاف كبير في الطريقة والتسمية والبهارات ووووووو الخ.
وقريت مرة في دليل الطبخ العربي بهذا الموقع ان وحدة باين عليها بنغازية حاطة طريقة الشربة وحاطة في المقادير كسبر وما فيش حمص !!! احنا الطرابلسية الشربة العربية متعنا ما فيهاش كسبر وفيها حمص .... وعينك ماتشوف الا النور عللي رادين عليها وشن كاتبين ( باين عليهم كلهم طرابلسية ) وطلعوها حاشاكم ماتعرفش الكوجينة وين تقبل ... ولههههههههههههههههههههههههههههذا قبل ما نفتح الملف ضروري
نفكر شن نكتب ... ونسأل أهل الخبرة في يلي شاكة فية ... ومانحطش اضافات جديدة على طريقة قديمة تقليدية باش مايعجب فيها حد وان كانت في اضافات ( لاباس من التطوير ) نحطها في الأخير وندير عليها ملاحظة بأنها اضافة وتحوير جديد او تقديم بشكل جديد ( لأنة راهو القديم هو الأساس والصح )
وياريت لما نحط أكلة نحط على انها اكلة أهل الشرق ( بنغازي ) مافيش باس للتوضيح لأنة في غيرنا متابع ، او من خلال الكتابة نحط ملاحظة ان أهل طرابلس يعملوا فيها بـــ .......
حتى ما تصيرش اللخبطة ويردوا الطرابلسيات ( لا مش هكي غلط الطريقة ... ويطلعوا كلهم خبيرات تطييب ) ويتلخبط الملف ويولي غير انتقادات وتصحيح .
وأهممممممممممم شئ في رائي أنة يكون مدعم بالصور لأنة انتم عارفين الأكل الليبي مش مشهور هلبة في الكوجينة العربية ولما تكون صورة وخاصة لو واضحة وباهية تفتح النفس وتخلي الكل يتابع ويفكر يجرب وهذا مجرد راي فكرت فية لما شفتكم بتفتحوا الملف ، آه اما لا شنو كلنا يخصنا الملف ونبوا نشاركو فية ونبوه في احسن صورة ويقيم راس الليبيات مش غير هيا نفتحوا ملف !!!!
معليش سامحوني انا طولت عليكم لكن والله صدقوني من غيرتي عليكم وعلى بلادي واهلها الطيبين
نبي ديما راسنا عالي ونظهر في احسن صورة ... وزي ما تقول دليون ( ليبياااااااااات شامخاااااااات )