انا و زوجة زوجي

مراحب حوائيات

عندي سالفه بقولكم عليها من باب السواليف والفضفضه وهيك

انا زوجه ثانيه حالي حال نفسي ولا لي اي تدخل في بيت زوجي الاول ولا اولاده ولا زوجته باي حال من الاحوال وعايشه مع زوجي وكاني الوحيده بحياته وشاريه مخي ومكبره راسي ولا اسال ولا ادقق ومرتاحه على كذا وانا انسانه ما احب اعكر مزاجي اطنش واسلك وامشي بعض الامور والحمدلله مرتاحه
وزوجي يبات عندي ليله وعند زوجته الاولى ليله وامورنا ماشيه تمام

وقبل امس كنت العب في جوال زوجي وفتحت الواتس ولقيت محادثه

مع زوجته الاولى ولقيت زوجي كاتب لها رد يقول فيه : تبغيني اعامل زوجتي الثانيه بشكل غير مقبول عشان ترضين انا ما تحكمني مزاجيتك


يا بنات انا تاركتها بحالها وهي شكلها تبي تنكد حياتي مدري وش تبي بالضبط :crap:

فانا اقول لو لقيت لها سواليف زي كذا بعد ذي المره ابي ابدا اغير اسلوبي وطريقتي معها

اخليها تعرف ان الله حق والكيد اللي بتسويه اقلبه عليها :11:

103 تعليق 31,225 مشاهدة

شاركي في النقاش

سجلي الدخول لإضافة تعليق.

التعليقات

99
  1. @ks_ndm

    الله يكون في العون

    انصحك لا تغيرين اسلوبك ليما تشوفين زوجك تغير من ناحيتك
    عشان ماتضلمينها
  2. @taht_khtaoyna_5

    ياختي لا تلوميها صدقيني لو زوجك جاب الثالثه عليك راح تسعي وماتقصري

    وانا لو زوجي تزوج علي وربي لانجن واقلب مزاجي عليه..

    لذا لا تلوميها ..وجعلك ماتجربي النار الي تجرب كل زوجه تزوج عليها زوجها..

    وبعدين تعالي باي حق تدخلي على محادثة زوجك وزوجته؟؟
    آعتقد هذه خصوصيه وعيب تدخلي على شئ موب بصالحك..
  3. @mhtarh900

    السلام عليكم
    يابنت الحلال طنشي وخليك على اسلوبك
    لان ان غيرتي اسلوبك بتتعبين من المشاكل ويكثر الكلام والمكايد
    ليش تشوشين حياتك وتنكدين على زوجك ونفسك
    شفتي رد زوجك واضح انه عاقل وفاهم
    ولاتلومينها ترا الغيره تسوي كل شي وانتي ضرتها طبيعي ماتكن لك اي موده
    فانصحك خلك بحياتك وارتاحي
  4. لا انا اقول خليك زي ما انت وعلى نيتك بترزقين وبعدين اعذريها يعني لو اي وحده مكانها بتسوي مثلها تعودت على ان يكون زوجها بروحها بس دامك بعيد عنها بتخف المشاكل ومع الايام بتروح الغيرة منها بس اذا قربتي ومنها واحتكيت معها وتهاوشتي معها ترا بتزيد المشاكل وبتعبي روحك وبتعبي زوجك فالافضل خليكي بعيده ولا تتدري عنها

تابعي تجارب أخرى من هذا القسم.