
السلام عليكم ورحمه الله وبركاته
رد السلام واجب 🌚
نكون صرحين مع بعض مالي بالمقدمات
بالله ما اشتقتوا لي 🌞💕
المهم اليوم راح اتكلم عن موضوع او نقول حاجه كثيييييير بنات مهملينها بشكل مدري شقول بصراحه خاني التعبير
اليوم راح اتكلم عن عنايتي الشخصيه بأقدامي * اكرمكم الله * وذا شيء كثير ساحبين عليه وانا كنت اولهم
نبداء ✨
بسم الله الرحمن الرحيم
العنايه بالاقدام شيء جدا مهم لنظافتك بشكل عام وصحه بشكل خاص مو مصدقه ابحثي بالنت وشوفي
بالعاده المشاكل تكون تشققات ، لون غير موحد ، جفاف
وترا عادي تكون الاقدام جافه لانها ما ترطب نفسها فعلشان كذا لازم يكون عندك مرطب ثقيل لها
في البعض يقول نحط فازلين ونلبس شراب ثم ننام ورجولنا زي القشطه
وانا برد عليهم واقول :
🔫🔫🔫🔫🔫🔫🔫🔫🔫🔫🔫🔪💣💣🔪💣🔪💣🔪🔪💣💣🔪💣🔪💣🔪💣🔨🔨
شرايكم لوووووووووول
متأكده ذولي رجولهم شهباء وجافه المهم لا اشوف ذا الرد علشان ما يفور دمي
شيء اسأسي لرجول مثاليه او نقول قاعده
ترطيب + تقشير = رجول تلق لق
واللي تستخدم ليمون او زيت زيتون لرجلها اقولها خافي الله تراها نعمه ربي حرام تستخدم للقدم
المهم بحط لكم صور عنايتي انتم اخذوا اللي يفيدكم مو شرط نفسه نفسه يعني نفس الفكره
بتكلم عن اقدامي علشان توصل لكم فكره .
انا اقدامي من يومي لونها واحد
لكن مؤخرا يوم صرت البس سنيكرز * جوتي رياضه * 😂
صار لونها مرقعه وصارت رجلي جافه لاني امشي حافيه ولما اقول جافه ما امزح 😂😂😂
المهم كنت انظفها واحط جلسوليد لمده شهر تقريبا ما شفت شيء صراحه نفس رجلي يمكن لونها رجع لكن ما حسيت باللق لق اللي ابيها وكنت اي شيء ارطب جسمي به ارطب به قدمي ونفس الحال لين ما قلت ستووووووب رجلي نفسها لازم اشتري شيء خاص بها وبعد سلسله بحث رسيت علي ذي الاشياء بعد اسبوع بدون مبالغه رجلي تغغغغغغيرت ماشاء الله صارت شيء ثاني المهم انا داريه في كثير زيي يبون الحل هذا انا الحين بساعدكم وادعولي بالنجاح والتوفيق
واخيرا نبداء بالصور 😩👏
xxxxxxx
الاشراف
تم التعديل ع الروابط
اول شيء ذي صوره شامله لعنايتي

اغلبها اشياء معروفه وممكن كثير منكم جرب كل شيء منه يلا نتكلم بالتفصيل ي جميلات ~
اول ما ادخل اخذ شاور بعد ما اغسل شعري بالشامبو امسك هالمفراكه الجميل بجد تفك ازمات وافرك اقدامي من كل الجهات استخدمها بشكل دائم ومريحه ومن جد تنظف من قلب افضل مفراكه جربيتها وشكها كيوت مخليتها بالشاور

مكانها من محل for ever 21
السعر : خمسه ريال
تخيلتهم مره سعرها معقول لكن مفعولها بططططططططل جربوها 💆
~
بعد الفرك نجي للتقشير انا حاطه مقشر بالحمام * اكرمكم الله * استخدمه مرتين بالاسبوع لاقدامي ويقشر من قلب ومو من النوع اللي بسرعه يذوب المقشر فهمتم علي 😂 يعني يظل يقشر مره بطل كميه بسيطه منه تكفي القدم كلها ويشيل الجلد الميت بكل جداره ✋

المكان : بودي شوب
السعر : 39 ريال
~
بعدها بطلع من الشاور ننشف اقدامنا ثم نفركها وهي جافه بهالمفراكه البطله ( الفرق بين ذي وذيك هذي تستخدمه للاقدام وهي جافه اما ذيك لازم اقدامك تكون مبلله ) طبعا نفرك نفرك عدل مدل بجد هالمفراكه من الاشياء البطله تساعد ع ازاله الجلد الميت علشان نوحد لون الاقدام .

المكان : بودي شوب
السعر : 12 ريال
~
بعد هالفرك والدعك للاقدام نبخ عليها هالبخاخ هو مب ضروري بس انا احب ادلع اقدامي علشان اتحمس لها هو يعطي ريحه للاقدامي ولما تبخينه علي اقدامك انتظريه بنشف ما يطول وبعدها حطي المرطب والبسي شراب وبعدها راح تحسين بشعور جممممميل زي الدغدغه بأقدامك يحمسك انك تعتنين فيها

المكان: بودي شوب
السعر : 28 ريال





