ايش تغيرفي حياتك من رمضان الماضي الى رمضان القادم باذن الله

الحمدلله
نقلت شقتي الجديدة الملك
واختي جابت احلى بنوته

رمضان اللي فات ابوي معنا بصحته وعافيته..ورمضان هذا في قبره الله يجعله روضه من رياض الجنه يااااارب...
للاسف مافيه شيء ححلو حصل لي..بس الحمممدلله من قبل ومن بعد دوام العافيه والصحه اكبرر نعمه..

الحمد لله والشكر لله على فضله وعافيته رمضان اللي فات كنت في بيت اجار سنتين والحين عدت الى بيتي الملك ولكن من نزلت البيت ما ارتحت زادت المشاكل مع زوجي اسأل الله الهدايه ودايما في حالة عصبيه وضيقه الله يعديها على خير

اشياء كثيررره وفاه ام زوجي الطيبه الله يسكنها فسيح جناته
انتقالنا لمنطقه ثانيه وغيرنا السكن طبعا
غير اني  حامل رمضان هذا والله يعينا على صيامه وقيامه 

تخرجت بعد سنوات درااسة طويله..
كبرت عشر سنوات بسنه لما ودعت فيها مقاعد الدراسه الى سوق العمل..
نضجت روحانيا وفكريا ونفسيا ..
غيرت طريقة تفكيري ونظرتي للحياه وبديت اقرا كتب وادخل مواقع علميه بعد ماكان اكبر همي بالحياه اغير صورتي بالواتس والبيبي ..!
قاعده اضبط علاقاتي مع الناس واحط لها حدود بس شكلي مطوله على ما اوصل للنتيجة ترضيني..
فقدنا شخص غااااالي على قلوبنا راح بعز شبابه مارح يكون معنا برمضان ولا رح يعدنا بالعيد مارح نشوفه ابددد ياربي ترحمه وتعوض شبابه بالجنه..
كللل هالتغيرات صارت بالثمان شهوور الي فاتت والله يكتب اجرها من غيرررتني.