شاركي في النقاش

سجلي الدخول لإضافة تعليق.

التعليقات

15
  1. @amy_yaghla_aldnya

    مادري مابغى اشيشك على زوجك
    بس من كلامك حسيت انو تزوجك ك صرااااااااافه مو زوجه
    يبي وحده تصرف عليه
    زوجك هو اللي مريض مو انتي حبيبتي
    بس للأسف احنا يالحريم تغلب علينا العاطفه لاقال ابغى فلوس قلنا هاااا خذ اللي تبي
    ويوم يكون العكس يقول ماعندي
  2. @rtyl_alkran_1

    الله يسخره لك بس انت اهتمي بنفسك ودلعي نفسك وخليك واثقه بعدين مدام معاك فلوس دلعي نفسك بدال ماتعطينها زوجك وروحي السوق واشتري لنفسك ملابس ومكياج وعطور وحتى اذا قال مو حلو قولي عاجبني
  3. @lyal_alfgr_1

    شوفي انا ماراح اتكلم عن زوجك وعن اخلاقة الي صفر وحقارته لان هالحكي مفروغ منه ولا يقدم ولا يأخر, لكن بتكلم عنك انت

    انت ماعندك شخصية, او يمكن هو قتل شخصيتك؟ او يمكن ابوك قتل شخصيتك من قبل لانه كان عنيف؟ المهم انك ضعيفة شخصية ومافيك شيء يخلي زوجك يحس بهيبتك ويفتخر فيها... اتخيل زوجك شمالي من لعانته وقلة ادبه... وهالشخصية ياريت تقرين عنها لين تقولين بس, تعجبة المرأة الغامضة الي شخصية تمشي بكيفها تلبس بكيفها وتتمشى بكيفها وهو بحياتها اللهم مكينة للخلفة... الشمالي عنده حب تسلط وسيطرة وتحكم.. كل ماضعفتي له كل مازاد يتمرد عليك, كل مالنتي له كل ماضغط عليك اكثر... ولا تحسبين انك تكبرين بعينه لما تصيرين صرافة والا لما تصيرين ضعيفة والا لما تطيعينه بكل شيء خاص فيك زي لبسك ومكياجك؟

    ليه انت كذا متطلبة عاطفيا؟ ليه ما البس الا لاجله وما اتمكيج الا لاجله؟ ياختي سوي الي تبين لنفسك.. ماتحبين تشوفين نفسك جميلة؟ ماتحسين بان نفسك منفتحة لما تناظرين بالمراية وانت كاشخة!؟ مو كل يوم طبيعي لان ساعات مالنا خلق, لكن كله لنا...

    انا مو شايفة بكلامك اي شيء يخليه يفتخر فيك (من ناحية نظرته هو للمرأة)... انا شمالية وما اتحمل البنات الي مالهم شخصية... وتعجبني القوية الي تنتزع حقها اذا مو بيدها بأسنانها... وحتى الرجال الشمالي كذا نظرته للمرأة... ابوي وزوجي شماليين... وابوي كان قبل اعرس دايم يقول انت صعبة وشخصيتك تعجبني واتمنى ربي يرزقك شخص يقدر شخصيتك... وسبحان الله ربي رزقني بشمالي نفس تفكير ابوي...

    لما اقول قوي شخصيتك انا ما اقول صرخي عليه... ولا اقول خلك وقحه والا قليلة ادب معه... لكن لازم يكون لك كلمة... مثلا تقولين اذا رحنا السوق وعجبني شيء يقول لي وش هالذوق... قولي له بكل برود وهدوء... ماعليش ياقلبي انا عاجبني واعرف بالموضة والذوق شفته بعروض الازياء.. انت ماتعرف بهالشغلات... خليه يحس انه مايفهم وانك تفهمين اكثر منه حتى لو ماتعرفين شيء عن الموضة!! على اساس هو الي يعرف!؟؟؟ اذا قال لك شكلك مو حلو بالمكياج... قولي انا عاجبني شكلي بالمكياج ومن غيره... واذا حطيته فانا احطه لنفسي مو عشان احد...

    اقري عن الشخصية الشمالية الي هي شخصية زوجك وتعلمي شلون تبنين لك شخصية ايضا... الضعف الي انت فيه مازاد زوجك الا تمرد عليك

    ولاتتوقعين منه بيوم من الايام يكون عاطفي! هذي انسيها.. الشمالي كذا لا يحب العواطف ولا يحب التلزق... خلقة ربي

تابعي تجارب أخرى من هذا القسم.