اللي والدات قيصري تجاربكم مع الرضاعة الطبيعية

@ghyom

السلام عليكم
اخواتي اللي والدات قيصري
حبيت استفسر كيف تجاربكم مع الرضاعة الطبيعية هل كانت تمام واللا عانيتم من مشاكل
توي قريت باحد المواضيع رد لأخت تقول ان اللي تولد قيصري تكون حليبها قليل،، وانا فعلا عانيت في والاداتي السابقة القيصرية من جفاف صدري فهل السبب هو القيصرية و كيف اتدارك هالمشكلة
وو كيف قدرتم ترضعون في الايام الاولى خاصة اول يوم
اول يوم كانوا يعطونها لي ارضعها وانا ما قدر اصلا اميل ولو شوي على جنب يعني لازم ارضعها وانا نايمة و صدري جدا صغير و مايوصل لفمها، كانت معاناة :icon810: كيف تصرفتم ياليت تفيدوني
و بالاضافة الى ذلك اللي تولد قيصري اول يوم مافي اكل و ثاني يوم اذذا ماكنت غلطانة اذكر عطوني شاي و بس يعني متت من الجوع فأكيد ماراح يطلع حليب،كيف تصرفتم اللي عانوا مثلي؟
وسؤال اخر انا لي صدر حليبه مرة قليل و الثاني اكثر، مع اني كنت اعطيها الصدرين بالتساوي لكن واحد منه لما اضخ بالمضخة حليبه مرة مرة قليل لدرجة هي صارت ما ترضى ترضع منه
ولمن سويت بحث طلع في ناس تكون عندهم الغدد اللبنية غير متساوية مع الصدر الثاني، فكيف الحل؟

9 تعليق 3,957 مشاهدة

0 0

شاركي في النقاش

سجلي الدخول لإضافة تعليق.

التعليقات

9

  1. ﺍﻟﻠﻪ ﻳﻌﻴﻨﻚ ﺣﺒﻴﺒﺘﻲ ﻣﺎﻋﻨﺪﻱ ﺧﺒﺮﻩ ﺣﺒﻴﺖ ﺍﺭﻓﻊ ﻣﻮﺿﻮﻋﻚ ﻭﺍﺗﻤﻨﻰ ﻳﺴﺎﻋﺪﻭﻧﻚ البنات

  2. @hoooor_4

    انا رضعت عادي كانو يساعدوني الممرضات لان المستشفى اللي ولدت فيه يشدد على الرضاعه الطبيعيه
    ومرات يرضعونه صناعي

    والحليب اكيد بالبدايه قليل ومع الرضاعه يجي

  3. @um_eyad

    اختي مثلك بالقيصريات مايطلع حليب حتئ بالشفط يكون قليل
    بينما اخت زوجي اول الايام ماقدرت ترضع بس بعدين يوم بدت تآكل وقوئ جسمها
    بدت ترضع طبيعي ويزيد الحليب

  4. @aml_al7ob

    حبيبتي طبيعي القيصري صعب اول الايام الحليب يطلع

    بس الرضاعه تحتاج سوائل حتى لو اول يوم لانه عادي تشربين سوال هم مايريدون تاكلين جوامد
    يعني ممكن شوربات واشياء سائله

    غير هذا كل مارضعتي كل ما صدرك بدا يدر اكثر
    انتبهي لتغذيتك وركزي فالرضاعه وفالبيبي

    اما عن صعوبه تقريب البيبي للصدر انا كنت احط مخده تحت البيبي عشان يسند البيبي واقرب النونو لصدري

    اتمنى اكون افدتك

  5. انا ولدت قيصري واول يوم مانزل حليب
    بس بعدها نزل حليب كثيرررررررر والله كانت تجيني حراره توصل لل٤٠ بسببه وبنتي رفضت صدري ماتمسكه وتبكي رفضت تماما
    وانا كنت اسند ظهري واحط مخده وارفع بنتي عليها تكون قريبه مرا مني طبعا بالبدايه لازم مساعده لان مابتقدرين

    ماله دخل الحليب بالقيصري بالعكس من تجربتي احس ماله شغل
    بس طبعا لازم تاكلين وتاخذين اشياء دافيه ..

تابعي تجارب أخرى من هذا القسم.