اكتشفت اشياء كثير صدمتني ببنتي 😢💔

معليش بس الغلطه غلطتك و انتي المسؤوله لو صار لها شيء
كيف تسمحين لبنت عمرها 15 سنه تطلع على كيفها مع السواق
ترى هذا مو حب و لا دلع
هذا اسمه عدم حرص و اخرتها مصيبه
البنت بهذا السن ما تعرف الصح من الغلط و المسلسلات الاجنبيه مخربه عقولهم
لازم تشدين شوي عليها ربيها من جديد ما فيها شيء
امنعيها من اي شيء ممكن يدمرها احرصي على مستقبلها و سمعتها
الله يهديك و يهديها

أنا مو ام ولاني متوجة حتى بس بتكلم من وجهة نظري ف الموضوع
انتي الغلطانة ف الموضوع ايه ومعليش لاتزعلين ,,,لا تقولين ما ابغا ينقصها شي ايه لا ينقصها من ناحية اكل وشرب ولبس وغيره بس جوالات وسوواويق وخرابيط لا ...البنت ف مرحلة حرجة وسهل ينلعب عليها ,,,اتمنى تتخذين قرار حازم ف هالموضوع وصلحي انتي طريقة تربيتك لها ...حنا تربينا ع الشدة صحيح بس طلعنا حريم عن 10 رجال وما قينا الا العافية لا تعقدنا ولاهم يحزنون ...الزبدة بنتك لا تضيع
موفقة خيتو

اقنعتوني والله ،، جد اقتنعت اني عطيتها وجهه اكثر من اللازم ، ولزوم الشده الحين ، من امس وانا افكر وجد عرفت انه ابد ماينفع بنتي ترتبط بواحد يعرف عنها شي قبل وماكان لازم اني اكلمه ، على العموم توني كلمت السواق عشان مايطلعا الا وانا معاها واجهزتها معاي وسحبت مفتاح غرفتها لحد ماشوفها عقلت واشوف لها حل مع هالشاب ، الله يسامحني يارب ماقدرت انتبه لهالبنت ، ماقد ندمت بشي كثر ماني ندمانه على هالبنت اللي كانت بتضيع .. 

لااااااازم تفهم خطورة تصرفها وتشوف دموعك وخوفك ومعليه خذيها مستشفى عشان هي تخاف الا اذا حلفت لك انو مالمسها فاسجدي شكرلله ان بنتك ماضاعت استوديعيها الله دائما وازرعي فيها مخافة الله قولي لها انا ماراح اكون دايم مقابلك ويمكن ما اقدر ارقبك زين بس ربي موجود ويرصد خطواتك بالملي اذا ستر عليك مره فيبغى توبتك ورجوعك لربك لكن استمرارك فالغلط هذا فيه تجرأ على الله وبيفضحك على الملأ

غيري معاملتك معها مافيه طلعات الا معك بنات في الجامعه ومايطلعون الا مع اهاليهم والجوال بعد الساعه 11خذيه منها والمكالمات في الصاله مافيه مكالمات في الغرفه والتلفون جهاز واحد يكون في الصاله وصيري حريصه اكثر بنتك صغيره ينلعب عليها بكم كلمه وش تتوقعين صار بينها وبين الشاب في السياره الله يحفظها ويسر عليها بنتك امانه عندك انتبهي عليها ترى الانثى ضعيفه بنات كبار معنا في المنتدى وانلعب عليهم من شباب وش لون المسكينه عمرها ١٥ الله يخليها لك