موت ولدي عمره سنتين الله يجعله شفيع لي هي اول مصيبه قويه لي والحمد لله عوضني ربي بعده بولدين الله يصلحهم هذا قبل 7سنوات
وقريب في شهر 5كنت بالجنوب بديرتنا وفي بيتي وكنا نتجهز معزومين واولادي 2مع ابوهم
وبناتي ثنتين معاي بالثانوي
الكبيره ناديت عليها ماردت على اذان المغرب واكثر من مره انادي ماترد وماحصلتها واختها الثانيه تدور معاي بيتي كبيييرً مره افتح في الغرف الله يكرمكم في الحمامات ما لها وجود😭😭😭
خلاص بدات اعصابي تفلت واحس بدوخه وانا اصرخ بصوتي ويا اااااا
ورحت ركض لقسم الرجال
واشوف الطامه الكبرى باب البيت الداخلي مفتوح خلاص انهرت وبدات يدي ترجف وابكي والمشكله لابسه ومكياج وكحل وساح الكحل ورجعت اقول لاختها اعطيني شرشف صلاه اكيد اختك انخطفت من الجن 😱😱😱مع المغرب وجابت لي الشرشف ولبسته وطلعت اسمع اصوات بزوره في الشارع قلت باسالهم فيه بنت تمشي بدون حجاب 😢😢😢
وخلاص با افتح الباب
وفجاءه صوتها من خلفي ماما. .. ماما وين طالعه بدون عبايه😡😡😡
وقلت وين كنتي بكل برود كاني في عالم ثاني
قالت بالحوش الخلفي امشي كان معاها اولاد خالتها صغار
يالله يابنات دخلت الصاله ولا حسيت بنفسي الا طايحه ومغمى علي ورشو علي ماء وصحيت كنت انتظر السكته القلبيه من الخوف والفقد قمت بعدها صفقتها بس على خفيف منعني ان اضربها ابتسامتها ودمعت عيونها وزعلت منها
الله يصلحها دايم مواقف منها تصير معاي هبلت فيني
اكيد الكل يقول ليش هالخوف اولا هي خوافه مستحيل تطلع برا البيت الا معاها احد
وقبلها هاوشتها ودعيت عليها وخفت ان دعوتي استجيبت
وجرس البيت دق وماسمعته كنت بالمطبخ احضر اشياء معاي
وهي ردت من السماعه طلعوا اولاد خالتها يبون يلعبون وفتحت لهم الباب وراحو معاها في الحوش وماكانت تسمعني وانا اناديها
صدق موقف الله لايحطكم فيه اتخيلها مخطوفه واللي خوفني شكل الباب وهو مفتوح
كمً مره اسمع بخطف البنات من الجن او تكون ممسوسه
يارب استر علينا دنيا وآخره
أقـ ــــوى صـ ــدمـ ـــة تـلقيتيها فـي حـيـاتك !!
متابعة النقاش، صفحة 4