خواتي المتزوجات ادخلوا

والله على حسب الي عندك في البيت اذا فيه مضايقات وكلام جارح اكيد بتتعب نفسيتك اما اذا محترمين وما يحسسونك ان مالك ذنب في التاخر عن الزواج فاماراح تتعب نفستك كل ما تصلين ادعي اللهم اكفني بحلالك عن حرامك وادعي ان الله يرزقك بالزوج الصالح الي يحفظك ويصونك

استغفر ربك كثري دعاء صدقة
ورزقك راح يجيك يالغلا
اعرف وحدة دايم تقول حلم ابليس بالجنة انا اعرس مستحيل اعرس وصلت لعمر 39
وسبحان الله جاها النصيب والحين عندها ولد زي القمر

انا ندمت اني تزوجت بدري تزوجت وعمري 23 وتحملت مشاكل الزوج واهله والاولاد لوحدي وتعرضت للذل والمهانة

لا تخلين الافكار السيئة تخرب نفسيتك ....اولا كل إنسان ماراح ياخذ الا اللي كاتبة الله له والله سبحانه ما يختار لعبده الا اللي فيه خير وصلاح له ...وما تدرين الزواج فيه خير لك او لأ اعرف كثير يتمنون انهم ما تزوجو ....وبعدين من قال إن الحياة راح تنتهي لو تأخر زواجك او ما تزوجتي اصلا ومن قال إن الزواج هو السعادة الأبدية عيشي حياتك بكل تفاؤل وسعادة واستمتعي بكل ما فيها وكل شي بوقته حلو .....لما تزوجت كانت اخت زوجي اكبر مني بكثير وجبت 3عيال وهي لسا ما تزوجت وكنا كلنا متأكدين انها ما راح تتزوج إلا معدد وكبير في السن لانها كبرت ....بس الله سبحانه اكرمها بشاب خلوق ومو متزوج ومن عايله طيبه وصار عندها الحين 4 عيال .... فهذا نصيبها كان مخبأ لها للوقت اللي كاتبه ربي .....بس كانت ملتزمه وتكثر من النوافل والصيام تصحى نص الليل تتهجد الى الفجر إحس اني مقصرة في عباداتي إذا شفتها ماشاء الله عليها الله يثبتها واكيد انها في صلواتها ودعائها ناجت خالقها بما في نفسها وربي ما يرد من دعاه حتى لو تأخرت الإجابه .....احس إني طلعت عن الموضوع ....بس حبيت احكي لك قصتها عشان ما تيأسين ....وفي نفس الوقت عيشي حياتك ولا تفكرين بشي اسمه عنوسه ....نصيبك بتاخذينه ايا كان ...والله يسخر لك الزوج الصالح ويكتب لك السعادة

بتتزوجين وتفرحين وتخلفين وبيهبلون فيك عيالك هم وابوهم وبتقولين ليتني مااعرست خخخخخخخ
الحياة صبر وتفاؤل ورزقك جاي