أقـ ــــوى صـ ــدمـ ـــة تـلقيتيها فـي حـيـاتك !!

وفاة اخو زوجي وهو بعيد عن اهلو

الله يسعدكم ويصلح لي ولكم النيات والذريات
ما ادعي علييهم والله
لكنها رفعت ضغطي بموضوع وتحسبت
بس قلت حسبي الله ونعم الوكيل قدامها ورحت للمطبخ وجلست ادعي لها ولاخوانها واقول يارب انا راضيه عنهم
لكن قدامهم اتحسب بالكلام فقط حتى يهجدون ولا يجادلون والكلمه هذه تنهي النقاش بينا
الله يهديهم ويصلحهم

الحمد لله على كل شيء

ترا اكتب ودموعي في عيني اول موضوع اقراة من عرفت النت اثر فيني كدا

بالنسبه لوفاةً ولدي توفى غرق
راح اكتبها هنا جتني رسائل على خاص يسالوني وقبل فتره سالتني كم وحده وماقدرت اقولها والان بقولها


كان ولدي معاي قبل ما يغرق ب5دقايق وعمره سنتين بالتمام وحاولت اني افطمه وجاء طلب صدري وطلعته له وبديت اتف على صدري واقول يع يع
وهو يتف عليه ويكرر كلمة يع يع

وراح وهو جوعان لاخته كان عمرها 11 سنه وتطمنت انه معها وقفلت عليهم الباب ورحت احضر العشاء مع صديقتي كنت معزومه عندها
وكان معانا كم حرمه
وطلبته من اخته ابي اعشيه لانهً كان جوعانً قالت هو طلع لك ما جاءك قلت لا
وانا اعرف انه يموت بالماء على طول بدات البروده تدخل بطني ويدي ترجف والخوف قدام عيني

شي صار معي الله لا يورييكم
وفتحت الحمامات ما حصلته وعلى رجعتي من حمام الرجال اسمع صراخ الحريم اتصلوا بالاسعاف يالله ارجف وانا اكتب لكم الحين الله لايحرمني شفاعته وجيت ركض لهم ولدي حبيبي ميت طلع في الخمس دقايق الحوش اللي انا مقفلته بيدي لاني اعرف انه يموت بالماء وحصل ماء في طشت وماادري كيف طاح فيه
كان لوحده
وحاولت اعمل له انعاش حاولت ما قدرت اخذوه للمشفى
عملوا له انعاش
والحمد لله مامات
ورجعت للبيت وحدي لانهم دخلوه العنايه المركزه رجعت جسد بلا روح وعلى طول صدري امتلا حليب لدرجة اني انسدح على سراميك المطبخ ابيه يبرد على صدري سبحان الله ماكان في حليب فجاءه رجع بقوه
ماراح اقول لكم التفاصيل لاني بصدق ما اقدر اكمل
لكنه جلس 4شهور بالعنايه وبرمضان توفى كنت معاه بالليل ودعيت له وحسيت انها اخر مره اشوفه
4شهور ماتركته يوم واحد الكل كان يقول تعب خلاص مايحس فيكم في غيبوبه
روحوا له يومين او بعد كم يوم مستحيل اتركه وكنت احط صدري عنده يمكن يصحى اخليه على خده يمكن يحس لكن هو في عالم وانا في عالم
واتصلوا المستشفى بابوه وخبروا بالوفاه وراح له ابوه وخلص اجراته ودفنه هو الجماعه والمعارف الكل يدري الا انا وقفل جوالي قبل يروح يخاف احد يصدمني وماخلاني اشوفه ما ادري ليش اعرفه مايبيني اتعب والحمدلله شفت رمل على ثوبه من تحت قلت كيف ولدي قال طيب قلت خلاص انا مجهزه نفسي بعد المغرب اروح له ابي اروح له بدري قال خلاص افطري
افطرت كم تمره واعطاني ماء قلت اشفي ثوبك ليش عليه تراب
قال ولدنا راح للي افضل واحن مني ومنك قلت مات قال ايه
قلت الحمد لله وسجدت في مكاني وطلبت الله الصبر والعوض وبعده ربي رزقني ولدين اول واحد حملت فيه بعده يشبه سبحان الخالق الناطق
ادري اني ضيقت خواطركم واول مره اكتبها من البدايه كنت اقولها في نقاط من باب الصبر لاخواتي في المنتدى
وطبعا سالت الشيخ عن الحكم لاني كنت بصوم شهرين الكل قال صومي انتي مفرطه فيه فديت ذيك العينين
وسالت المفتي قال ماعليك شي لانك امنتي عليه من جميع الجوانب سكرت الباب بمفتاح ورفعته واعطيته اخته وقفلت عليهم باب الغرفه لكن قدر الله نافذ والحمدلله في السراء والضراء

لانا ياعيوني



دمعععت عيؤني والغصه وقفت بحلقي،،الله يجعله شفيع لكم،،انا لله وانا اليه راجعون