مستحيل أجيب ببيتي ومع زوجي شغاله!!!!!

ياقلبي انتي ماحد اصغر من بيتي بس شغله كنه ثلاث ادوار الاطفال يخربو ويكبو والمطبخ المواعيين تتراكم والزوج يبي حقوقه من اكل ولبس ونظافه وملابس الاطفال والكوي وتلميع البيت وتمسيحه حدث ولاحرج😢والله بدورين الخدامه دواره وترا مالها دخل بزوجك حتى ملابس زوجي ماخليهن يلمسنها ابدا وعندي يالكبت واكله انا اللي اسويه والحين ضهري يطقطق

وليه ماتفسرينها بشكل ثاني
طبعا انتي ماشفتي شي لسى
بس مثلا لو جبتي خدامه مافكرتي انك بتفضين لنفسك و لزوجك وتقابلينه وبتشيل عنك مسؤوليات ماتزود ولا تنقص من قيمتك عنده ؟!
و الوحده اذا عندها خدامه هي تحدد الي لها وعليها مو ترميلها كل شي
يعني انا قبل مااجيب الخدامه مبتيهذله اقوم من الصباح 7 8 كرف انظف واغسل واكوي غير المطبخ و بعدها ابغدا وبعد الغدا تنظيف صحون غير التعب الي بجسمك وغير طفلك وغير زوجك بالله كيف بيكون لي نفس
لاتقولين مو شرط اصحى بدري
مستحيل البيت يكون نظيف من الى الا اذا قمتي من الصباح هذا اذا مره انتي نظيفه
غير كذا جربت كل طرق التنظيف والبيت يكون مكركب مافيه الا اصحى الصباح و ع المغرب او العشى مهدود حيلي ومالي خلق شي
فا احسن اجيب خدامه تنظف عني البيت الصباح واقوم وادلع نفسي افطر برواق واطبخ برواق تكون مقطعتلي كل شي
وماتجي 8 الا وهي بغرفتها وماتطلع ولو ابي قبل ال 8 دخلتها لان مافيه شغل

انا مع الخدامه ميه بالميه لاني شفت الفرق
احسن من وحده تكرف طول يومها وزوجها ماتدرين وش يخبص لا والله ادلع نفسي واعطي وقت لزوجي طبعا مو كل الازواج وسلامتكم

والله معااك حق👌 .. اصلا اللي عندها خدامه والله مادري كيف تاخذ راحتها باللبس وبكل شي كل حركه محسوبه .. انا جلست سنين بدون خدامه وانا مقتنعه وكنت اشتغل حتى وانا نفاس ومرتاحه.. بس حملي الثاني الدكتوره حذرتني واضطريت اجيبها .. ومو مرتاحه لوجودها بس مجبوره والحين الحمدلله حجزنا لها وقريب برتاح اشتقت للخصوصيه كنها برج مراقبه  
انتي بما انك موظفه انصحك بخدامه بالساعه .. تجي تساعدك بالتنظيف وتتوكل على الله 
 

الرجل مايحبك تكرفي وتنفخيي تفكيرك بريء
الرجل ارضيه بالفراش وهذا يكفي

تفكير كأي زوجة مبتدئة ما جربت الحياة الزوجية وأسرارها 
بكره تتزوجي وتعرفي ليش نجيب خدم 
بالمختصر عشان تتفرغ الزوجه لنفسها وزوجها 

وترى كل شي بالتنظيم حلو 
الشغاله حددي لها أوقات ممنوع تطلع من غرفتها 
وممنوع تكلم الزوج او تطلب منه اي شي 
وزوجك إذا يحترمك ويحبك مستحيل يطلب منها شي او يكلمها 
وبالنسبة لي وضعي بوجود الشغاله افضل بكثير لأن زوجي يزعل لو انشغلت عنه حتى لو بعيالي وبيتي 
حتى كاسة المويه اجيبها له بنفسي