اشكركم خواتي على وقفتكم معايا جزاكم الله كل الخير
مرات لما الواحد يكون قريب من الصورة مايقدر يشوفها بوضوح ولما يبتعد تتضح الصورة,,اتضح اني كنت غلطانة وكنت عامية عيوني عن اشياء كثير وتغاضيت عن اشياء المفروض ماكنت اتغاضى عنها ابدا ابدا لكن حسن النية هي المشكلة
بعد ماكتبت لكم الموضوع حصل شي انه صاحبتي السابقة كانت تتصل لي يوميا عشان نفطر سوا لكن يوم الخميس مااتصلت لي كعادتها وجات لعندي البنت اللي تشتغل في البوفية تقول لي انها اتصلت لها هي ولما شيكت موبايلي مالقيت اي اتصال وانصدمت منها(اضافة لصدماتي السابقة)
وبعد كدة في العصر عملت شي يمكن تلوموني عليه لكن ماكنت قادرة اوقف العلاقة من نفسي احب الوضوح في كل شي وانا مش من النوع اللي ممكن اتهرب او انسحب بدون سبب احب اريح ضميري واعمل باصلي لاخر لحظة فارسلت لها رسايل عتاب يوم الخميس والجمعة ولكن ماردت طبعا ويوم الاحد اللي هو امس طلعت تفطر بدون ماتكلمني والمشكلة كل ماحد يسألها تقول مافي شي بيننا وسوء فهم بس هي ماتوريهم انها هي الغلطانة طبعا كيف بتبرر لهم انها انسحبت بدون سبب بعد العشرة الطويلة
الحمد لله الان انا مرتاحة نفسيا واعتقد اني اتجاوزت صدمتي فيها اكتشفت انها كانت ممثلة كبيرة او لابسة قناع محترف وماقدرت تخلي القناع وفي وجهها اكثر من كدة
على فكرة انا كنت عاملة عملية حقن مجهري ( انابيب) من شهرين وفشلت وكانت عمليتي الثانية والله يعوضني,,المهم من بعد الفشل تقريبا وانا يوميا اقرا الرقية الشرعية وسورة البقرة يوميا تقريبا,,هل ممكن تكون الرقية وسورة البقرة سبب في انكشاف حسد صاحبتي هذي وبالتالي ابتعادها عني بالسرعة والطريقة هذي؟؟
معقولة صديقتي العزيزة تحسدني؟؟/ قديم
متابعة النقاش، صفحة 8