شكرا حبيباتي على ردودكم وعلى مروركم وعلى كلمه ودعوه حلوه منكم
بس بقولكم مين ما يحب الخير لاخته ويدعيلها يعلم الله اني ابغالها الخير ودايما ادعيلها انه ربي يحقق لها اللي تبغاه لانها تعبت كثير
بس انتو فهمتوني غلط تحسبو اني حاقده عليها او ما ابغالها الرزق ..مسألة الرزق منتهي امرها لو انا رئيسة دوله وربي كاتبلي الفقر والعوز والله لافتقر
بس المسأله كلها شعور بأني بصير وحيده اهتماماتهم غير اهتماماتي هاذي وحده والشي الثاني اني بحس بالنقص والدونيه .....ياليت تكونو فهمتوني
انا مقهوره على نفسي بس
واذا جيتو للقناعه انا قنوعه لابعد الحدود وما اقارن نفسي بغيري ابدا بس هاذولا اخواتي ياجماعه بنيننا احلامنا سوى واتكلمنا كثير في مستقبلنا ومشالله تبارك الله عشانهم اصغر مني ابويه وامي ما استعجلو عليهم في الزواج وحرصو على دراستهم بس هاذا كله اقدار مكتوبه علينا
والله يابنات الحمدلله انا في بيتي ومع زوج يحبني وبيتي مليان بزوره وسالمين الامراض الحمدلله اللهم لك الحمد بس فكرة الدراسه والوظيفه معشعشه في مخي على مدى خمسه وثلاثين سنه وانا متخيله نفسي مدرسة انجليزي او اداريه او مرشده اجتماعيه ...بس ماش
الان انا في دورة كامبردج للغه الانجليزيه وناويه اخذ حاسب اخذا بكلامكم لعل وعسى تكون سبب لاثبات ذاتي انا ما همني الفلوس همي اثبت ذاتي زي اخواتي لاني دايما اسمع كلمة (ما فلحت ما منها فايده .مكانك سر )
لاكن على قول اختي yoser تسامحني اذا غلطت في اسمها لاني ما ركزت عيه انه ما اطالع لغيري لانه في اشياء موجوده عندي وماهي عندهم وهاذا هو الحاصل وان شاء الله ربي ما يخيبلي ظن ولا يقطعلي رجاء
انا واخواتي
متابعة النقاش، صفحة 3