انتي دامك فالبيت افتحي حضانه او كوافيره اسشوار الناس صاررت كسووله حتى عالشعر ماتسوي لروحها
فيه بعد فكره جمعي من الناس فساتينهم وحطيها في بيتك واجريهم ولك نسبه 30 بالميه من السعر حطي اعلان برقمكك وخلي قرايبك ينشرونه اشووف كثير يسوونها
او اشتغلي بمشغل او بصاله افراح تبع الضيافه شاي وقهوه وحلا الشغل كثييير قدامك المحلات الحين تبي
طبخي وبيعي
اشتري ملابس بسعر الجمله من الرياض وبيعيها تعلمي تصوير فوتوشوووب مونتاج كلها من النت
غلفي هدايا او توزيعات
مواقع النت تحطي فيها اعلانك ببياناتك
او سجلي بموقع طاقات
شوفي انا من باب التسليه والتطقطق سجلت مندوبه بايفون واطلب لي ولخواتي وحريم اخواني مكياجات وعطور واختي توري صحباتها ويطلبوون وحمدالله كله خيير من الله
سوي مفرزنات رمضان سمبوووسه وكبه دام رمضان قريب
ودامك عندك شهاده كليه درسي ابتدائي متوسط ثانويه مناهج تخصصك
وفيه بعد بالمدارس يسوون يوم مفتوح واشغال يدويه او شغلات بو ريالين او كورشيه ويبيعووون
او بالمدارس بايعه بالمقصف مراسله اوراق حتى المستشفيات روووحي اي وظيفه فيها
الشغل متوفر وكثير لاكن حنا نحطم روحنا ومافي مافي نبي الشي يجي لعندنا
الله يقول اسعى ياعبدي وانا اسعى معك لو بنظل حاطين يدنا ع خدنا ويجينا الريال كااان ماحد اشتغل اصلا
عيالك مو حجة لو تحطينهم عند ام او ام زوجك وتعطينهم مبلغ شهري او قرايبك او حضااانه مو حجة العيال
ضاقت فيني الوسيعه بسبب الفلوس
متابعة النقاش، صفحة 23