-_-_- قزقزة السوق و زوجك الظريف و تفكير البنـــــــآت -_-_-

مره كنت طالعه مع صديقتي ننتظر دور بنشتري كوفي وكان فيه وحده قدام هي وزوجها
زوجها مادرى عننا ولا التفت مبين مو راعي بصبصه بس زوجته هبلت فينا تناظر وكل شوي تلفت وترمي علينا ذيك النظرت على بالها ميتين على زوجها. هالاشكال ماعندها ثقه لا بنفسها ولا بزوجها

انا لما اطلع مع زوجي والله حتى لوناظر ابد ما اناظر بالبنات الاني واثقه الحمدلله من نفسي ولا يهمني.. وهم وش ذنبهم يوم هو ناظرهم,, لو بزعل بزعل منه هو مو منهم..

فياليت كل وحده تمسك زوجها عن بنات الناس خل يغض بصره ولاتقعد تسوي علينا قويه لو صرنا ماشين قريب منهم,, مامتنا على الفرنسي اللي جنبك,, شبعانين ولله الحمد.. وترى و حله قدام زوجك يحسك مو واثقه بنفسك ولا فيه.. كذا تأصلين هالصفه فيه,, طنشي

اتفق مع صاحبة الموضوع ، واللي يعيبون عليها ان مقياسها تويتر وانها اتهمت المتزوجات ، انتم وش مقياسكم ان البنات الغير متزوجات هن "الشر المنزل "؟ على الأقل هي تكلمت عن واقع وكلنا عارفين ليش الانكار؟ وترى اللي ينكر بقوه مثلكم يثبت التهمه على نفسه !!!
والي يعارضون وينكرون كيف حكمتوا ؟ من تجارب شخصيه مريتوا فيها؟ ولا كيف ياليت تفسير لها الشي.

ونقطه أخيره للي تقول اذا شفت وحده لابسه عبايه ملونه اشفق عليها ، تشفقين عليها او غيرانه منها او تتمنين تلبسين مثلها او خايفه ان زوجك يطالعها او تبي ربي يهديها ؟ كوني صريحه مع نفسك وحددي موقفك واعرفي ان الله يعلم مافي قلبك ونظرتك لها . 

بصراحه من خلال تعاملي مع كثير من البنات اشوف ان اللي تخاف الله بجد ماتناظر غيرها ومنشغله بنفسها، بينما اللي تراقب خلق الله وتنتقد ذي وتعيب على ذي في الغالب تنفس عن رغباتها الداخليه في انها تبي تكون مثلهم وماتقدر يعني ماحتشمت لانها مقتنعه باللي تسويه ،واللي يعيب على شي دايما وبكثره وكأنه شغله الشاغل ومافي الدنيا الاهالشي غالبا من داخل عنده رغبه قويه فيه...

على الجرح كلامك ياويلي من اغلب الحريم المتزوجات يتعبونك نفسيا من كثر ماتحزنين عليهم بالسوق والاماكن العامه والله يابعض الرجال يقطعون الخميره من العجينه استغفر الله مااتكلم عن خلقة الله لالا عن ترتيب مافيه نظافه مافيه وفوق هذا كله عيونها تخرج وووتتسفه عليك وتطلعك كافره استغفر الله لو مريتي من عندها وانتي كاشفه وصدقتي ياصاحبة الموضوع البنت لما تكون كاشفه وجميله طموحها ماهو مثل ازواجكمممممم لاتخافون بس اتركو بنات الناس بحالهم ولاتسيؤن الظن فيهمم وتطلعونهم اسوء الخلق

وربي لما اشوف الأجنبيات من جد اخلاق الأسلام عندهم اقول ليش السعوديه بلد الحرمين مايكون فيها اخلاق الحريم مثلهم

صحيح معروف اي وحده تنقهر وتتكلم وتستحقرك وتقول اشفق عليها ومن هالكلام مقهوره ميه بالميه ونفسها تصير مثلك لكن ماتقدر ومالها الا انها تطلعك اسوء الخلق من قهرهاااا ههههه:wink:ولاهما وين والدين وين هما بس ياخذو نص الدين ويفسرونه على هواهم


لو من جد يعرفون الدين مااعابو غيرهم

بس حبيت اعلق ع نقطة

اللي تقول ما الوم الرجال اذا طالع بالبنات المتبرجات لان حتى هي تخق وتطالع فيهم
اذا حللتي نظر الرجل للمراه عشانها متبرجة وهي السبب بكذا

بسيطة حتى البنت يحق لها تطالع بالرجل وتخق عليه اذا عجبها ولا تلومونها عشان جماله ورزته وكشخته تلفت

والله عقول مدري وش تبي تحلل وتحرم ع الكيف

الاثنين غلطانين والرجل ماهو بزر !