........ عندك طبخة حلوة ومضبوطة لرمضان "تعالي فيدينا"

يعطيكم العافية

كبة كذابه

المقادير

كيس واحد خبز توست منزوع الأطراف وينطحن في طاحونة ناعم مره وينحط في زبديه

في كاس مويه عاديه وتذوبين فيها ملعقتين نشاء وشوي ملح وتصبين شوي على فتات الخبز وتعجنين فيه الين تصير عجينه ناعمة غطيها بكيس وخليها ترتاح الين تجهزين الحشوه

الحشوه صدور دجاج مسلوقة ومنتفه ناعم بصله مفرومه فص ثوم مهروس زيت ملح وبهارات ملعقتين جبن سائل وأربع ملاعق زبادي وهنا السر رشة سماق وتقدرين تحطين صنوبر مقلي معها

تحمسين البصل والثوم مع بعض في الزيت الين تصفر ضيفي الدجاج المفتت وقلبي بعدين البهارات والملح وخليها شوي تتحمس وبعدين الزبادي وخليها تتشربه طفي النار عليها وحطي الجبن وحركيها ورشة السماق والصنوبر اذا حابه تصير زي الكبه الحقيقية روحي للعجينة وخليها كور غطيها وخذي وحده ودخلي إصبعك وقروي باصابعك بليلي إصبعك بشوي مويه واحشيها بالحشوه ولميها على بعض وقف لديها زي الكبه واقليها في الزيت تفك أزمه الله يخليلها عيالها الي علمتني عليها
البرياني
دجاج قطعيه صغار وغسليه وتنظيفه بالخل والملح وبعد ماتغسلينه صفيه في علبه وجهزي خل وملح وبهارات وليمون ثوم وملح الليمون وبهري الدجاجه زين وخليها ساعه اغسلي الرز وانقعيه البهارات العدله حبتين فلفل اخضر وأحمر ليمون اسود هيل كمون حب أعواد دارسين وقرنفل اربع حبات من كل نوع
علبة زبادي بصل وثوم فصين وكزبره وطماطتين معصوره ماجي حبتين
زيت وملح وفلفل وكزبره وبهارات البرياني وكركم وفلفل احمر بس شوي اذا ماتحبون الحار وفلفل اسود

في قدر حطي الزيت واول مايصير حار حطي البهارات العدله وأحمسيها شوي تطلع رايحتها ماعدا الليمون الأسود وبعدين حطي البصل والثوم واحمسيه الين يصفر ضيفي الطماطم والزبادي وخليه يتسبك حطي الماجي والبهارات البودره وبعدين الدجاج وشوي مويه وخليه يتسبك غطيه وبعدين زيديه مويه بس يغطي الدجاج وخليه يستوي الدجاج وحطي الفلفل الأخضر والأحمر حطي زيت ومويه وفلفل وهيل خب وحطي الرز ينسلق نص سلقه وصفيه وخلي المويه تروح عنه الحين استوى الدجاج شيلي الفلفل من الاثنين وحطي الرز فوق الدجاج بدون تحريك وخليه على نار هاديه وجيبي مويه ذوبي فيها شوي زعفران ولون اصفر ورشيه من فوق وحركي الي من فوق شوي بالملعقه عشان يأخذ طعم ولون ونكهة الزعفران حطي الفلفل فوقه وخليه يستوي على راحته وبعد ساعه اغرفيه في صحن التقديم ورشي وجهه بالكزبره الخضراء المقطعه وبالعافيه عليكم

برجع لكم بطبخات كثيره ان شاء الله

الله يجزاكن خير طرق رائعه

الله يعطيك العافيه