الله يووووفق كل وحده ردت عللي ( خااايفه>> زيت منتهي وتساقط الشعر

الله يعافيك

البنات بيفيدونك ان شاء الله

شوفي ياقلبي احتمال كبير بسبب انتهاء الزيت
الشهر هذا استخدمي الحنا مرتين
واشتري زيت جديد وقللي فترة الاستخدام خليه وقت قصير عالشعر واذا مضطره تغسلين كل يوم
لاتحطينه عالفروه اكتفي بالاطراف ومرتين اسبوعيا زيتي الفروه والشعر كامل لفتره بسيطه


واهتمي في تغذيتك اغلبنا اول مانعرس ومع الحيا نهمل الاكل الصحي
لاتخافين ولاشي باذن الله يخف التساقط تدريجيا ولاتنسين الخوف يزيد التساقط وعليك بالذكر وقت تسريح الشعر

جوفي بما ان شعرج دهني ومن النوع اللي يدهن بسرعه فالزيوت راح تضر شعرج اكثر مما تفيديه

دشي هالموضوع وراح تتعرفين اكثر على طريقة العناية بالشعر الدهني


التي شعرها دهني ويطيح وفيه فراغات تتفضل هنا بالصور
http://forum.hawaaworld.com/showthread.php?t=3782142&highlight=%DD%D1%C7%DB%C7%CA


والحين وقفي استخدام اي زيت وروحي الطبيب وسوي تحليل خاصة تحليل الزنك والحديد ومخزون الحديد وفيتامين دال والغدة والهرمونات وجوفي شنو المشكله وبعد ما تسوين التحليل وتاخذين علاج الدكتور اتبعي هالخطوات بردي بهالموضوع:

شعري والتساقط .. جعلها جنات النعيم الي ترد علي
http://forum.hawaaworld.com/showthread.php?t=4185665#post85125175






ومبدئيا سوي هالتونيك وهو منقوع الحلبه .. يبي حلبه وطحنيها وصبي عليها ماي حار بس لا تصبين وايد لان نبيه يكون مركز بعدين غطيه وخليه حوالي يوم او اقل واخذي هالمحلول واستخدميه قبل لا تتسبيحين وبعد ما تتسبحين ودفيه اشوي قبل لا تستخدمينه بس مو يكون حار .. ودفيه علشان المسامات تفتح وتشرب المحلول .. ووزعي المحلول على شعرج بالقطره علشان يتوزع عدل على الفروه .. هالمحلول استخدمته الاسبوع اللي طاف وما شاء الله حيل فظيع خفف التساقط بنسبه كبيره ويمكن هالشي راجع لان الحلبه فيها هرمونات انثويه ومن مميزاته انها تحارب الصلع ويمكن بعد تعالج الافرازات الدهنيه

لاتخافين انتي دامك وقفتي الزيت حطي سدر مرتين بالاسبوع واختاري شامبو طبي خفيف على الشعر

الله يعينك اهتمي في اكلك مهم وروحي طبيبه جلديه