أنخطبت من شايب و أمي و أخواني أرفضوا

بنات أنا مو صغيرة عمري 28 عام يعني ماباقي وبيني وبين الثلاثين شي و خطبني شايب و أمي قالت لأخواني أرفضوا و أرفضوا بدون لا يردون الشور لي بنات تدرون ليش أبي هالشايب أولا أنا مو صغيرة ثانيا الشايب بيكون أعقل من إلي بسني أو أكبر أو اصغر شوي أحس الشباب ماعاد فيهم خير و ثالثا أبي عيال يشيلوني إذا كبرت لأن أعرف أخواني ما يعتمد عليهم و لا يحبون تحمل المسؤلية يعني مستحيل يشيلوني إذا كبرت هم يتمللون مني من الحين و يبون يتحكمون فيني و لو أمي وقوفها في وجهم و الله يمشون علي و لاتهمهم مشاعري و يمكن يقفلون علي بالبيت لولا وجود أمي و دفاعها عني الله يخليها لي
أنا زعلت و أمي تقول تبين ترمين نفسك مع شايب و أنت تستحقين أفضل منه ؟؟؟؟؟؟؟؟؟ طيب إلي أفضل منه وينه من طول السنين كل الناس تعرف إني فلانة بنت فلان الفلاني و محد يبيني الشباب ماجوني مايبوني الشايب جاني ارفض ألي جاني على أمل أن يجيني شباب ؟؟؟؟؟؟؟؟؟؟؟؟؟
أنتم وش رايكم بتفكيري صح أو غلط ؟ هل أنا صح أو أمي هي الصح ؟؟؟؟؟؟؟ أنا أخاف أمي ترفض كل ماتقدم لي شايب و إذا تقدم بي العمر ماحصل الا شايب يعني نفس الوضع

81 تعليق 16,438 مشاهدة

شاركي في النقاش

سجلي الدخول لإضافة تعليق.

التعليقات

79
  1. @tylatabyz

    والله مدري
    انتي لسا صغيره و ماتستحقين تاخذين شايب تستحقين الأفضل زي ماقالت لك الوالدة
    لعل رفضهم فيه خيره ماتدرين , الله يرزقك بالزوج الصآلح عآجل غير آجل
  2. @althrya_1199

    لا تستجلين انتي لسه صغيره والله اني اعرف وحده عمرها 30 وتزوجت واحد في ارامكو مركز كبير ومن خيرة الشباب
    وانتي ايش دراك ان الشباب مافيهم خير والله بعضهم شياب وماعندهم الا الهم والغم
  3. @khlony_abky

    الثريا 1199
    لا تستجلين انتي لسه صغيره والله اني اعرف وحده عمرها 30 وتزوجت واحد في ارامكو مركز كبير ومن خيرة الشباب وانتي ايش دراك ان الشباب مافيهم خير والله بعضهم شياب وماعندهم الا الهم والغم
    الحمدلله على النعمه شفيكي بتاخذين شايب وانتي بهالعمراجل لوانتي باخرالثلاثين وش بتاخذين انا انصحك ﻻتسعجلين استخيري وفكري الدنيامليانه شباب يدورون الحريم وانا اعرف ثنتين من قريباتي وحده عمرها39خذت واحدماتزوج بالاربعين وحده عمرها35توهامخطوبه لشاب كبرها
  4. @hms_alghla_3

    انا نفسك لكن الي يتقدمون لي معدد أعمارهم بالثلاثين. يعني. مناسبين لعمري. لكن إخوانى
    يرفضو من غير سبب. ولا يسألوا عنهم. لكن ربي فوقهم حسبي. الله ونعم الوكيل
  5. @azhhar

    صادقه امك انتي صغيره ليش توافقي يمكن ربي يبعتلك اليي احسن وافضل واعقل منه ويمكن رفضهم له خيره استخيري وربي بيختار لك الخير وصدقيني لاتستعجلي بالزواج ابددد

تابعي تجارب أخرى من هذا القسم.