لقــــــــــــــــــــــــــــ ـــــــــاء الأحبــــــــــــــــــــــة (الجزء الرابع)

الله يشفيك و يعافيك و يبعد عنك كل مكروه،،،
للأسف إنهم دكاترة هالأيام صايرين بس لجمع المصاري،،،، و مش عارفين شو مشكلة المريض و بتحزروا فيها،،،
ما في ضمير،،،

تسلمي زهرة الفراشة اعطيتيني امل

أنا انقطعت عن التلفزيون من فترة 3.5 سنين، ما بشوف أخبار و لا مسلسلات و لا أي شي،،،و في البداية ما كنت أقعد معهم و هم فاتحين التلفزيون، و كمان منعت الأكل عند التلفزيون شو ما كان فيه،،،
لأني من كثرة المناظر اللي شفناها اتعقدت و بطلت أتحمل، كنت بس أشوف المنظر أصير أرجف و صدري يوجعني و ما بقدر آخد نفس و بتكون الدنيا بتدور في، و بعدها بمرض، و مرت علي أيام ما بدوق الأكل فيها،،، هذا كان بداية الانتفاضه،،،
مرت علي فتره كنت أسمع من أهلي و الناس، و صرت جديد اتابع قناة الجزيره على النت، رؤوس أقلام،،،
علما إني حاطه في بالي إني ممكن أشوف هيك مناظر على الواقع، حد ينطخ أمامي، حد يغتالوه،،،و هو بالفعل شفت شهدا على الواقع و مناظر مؤلمه كمان:( ، و شفت جرحى، و مرة كنت في موقع و اغتالوا في حدا،،،
و مرات كتيره كنت رح أروح فيها، و ياما شفت الطيارات و هي بتقصف صواريخ، و الدبابات و هي بتقصف قذائف،،،
بس قلبي كان أشجع من هيك في الانتفاضه الأولى و كنت أتحمل أشوف كل شي، بس بعد ما شفت شو اللي صار في مجزرة الحرم الابراهيمي على الواقع و المصايب الكثيره اللي كانت يومها شكله انصدمت و بطلت اتحمل،،،:(

.وهره الفراشه والله المناظر اللي انشافت من الانتفاضه مرعبه بتذكرمره من المرات لما هجمو اليهود على مدرستنا بتعرفي مدرسه خديجه عابدين بالبلد وهاجمونا وانا كان الي اقل من سنه بالخليل وما بعرفها واضطرينا نهرب من الباب الورانيللمدرسه وعدينا من مناطق عمري ما شفتها ولا بعرفها واليهود نازلين طخ وانا مش عارف وين رايحه والطريق لبيتنا مسكرينو اليهود وانطخ شب امامنا وعياط يومها اخذت صدمه ما عمرها مرت علي ورمو غاز مسيل للدموع والدنيا غبشت و في بنت اغمى عليها و حملناها اخر شي بتعكوبه وصلنا على مستشفى عاليا اسعفنى البنت واتصلت على اهلي اطمنهم تميت هناك لحتى هدي الوضع واجا بابا اخدني
كانت خاله يا لطيف مرعبه انا بحكي وتذكرت الوضع زي ما كاني هناك قاعده ببكي الله يسامحك بكيتيني

كمان احنا هون بيختلف الوضع، يعني عنا محطات تلفزيون محليه، الفريق عندهم من لما يسمع صوت طياره أو دبابه،دوريه،،، بيطلع يصور، فإن في حدث من قصف و غيره بتصور من أول الحدث حتى النهايه، يعني مرات بيعرضوا مباشر من لحظة القصف و التوابع و الشهداء و الأشلاء و هدم البيوت،،، هلأ القنوات الفضائيه بتختصر كتير من الصور اللي احنا بنكون شايفينها،،،
في نفس الوقت ما بتقدري تقولي للأطفال ابعدوا ما تشوفوا لأنهم إن ما شافوا على التلفزيون رح يشوفوا على الواقع أو من الانترنت،،،
هلأ بيجي دور القصص عن الشهيد و كيف قتلوه و هذه مرات بتكون مؤثره جدا و صعب يتحملها عقل،،
يعني في ناس كتير طخوهم و بعدها اكتشفوا إنه لسه فيهم نفس، طخوا عليهم مره تانيه أو قتلوهم بأساليب تانيه ما بدي أحكيها لأنه رح تتأثروا كتير ،،،، يعني معظم الشهداء لو ما مثل فيهم من قبل الحيوانات هدول و اعتذر على التعبير، كان نصهم حي هلأ،،،