يالحجازيات تعالوا ابسئلكم عن شوربة الحب

رفع

شوفى حبيبتى انا من المدينه ودى طريقتنا من اجدادى للشوربه الحب برمضان الحمراء باللحم او عظام اللحم المهم لازم لحم بعد السحور تنقعى الشوربه في مويه حلو تقومى العصر تصفي الشوربه من المويه تغسليها وتصفيها تحطى قدر عالنار في مويه +لحم+بصله مقطوعه بنص+طماطم معصوره+ً علبه صغيره كامله معجون طماطم+ الشوربه +بهار الشوربه يتباع فى بنده الي علبه بلاستيك مربعه صغيره لونها ذهبي ويطلع معاها شاش تحطي البهار بشاش وترميها بالقدر,,طبعا تكثرى المويه وبس تغطيها شبه تغطيه يعنى خلى الغطاء مايل شويه لمده ساعه وترجعي تشوفيها لو المويه خفت وطى النار وتقريبا بعد نصف ساعه تبدا تثقل اهم شئ لمن تبداء تثقل شيلي الغطاء وحطي ملح واجلسي قلبي كل ربع ساعه او 10 دقايق وطى النار لان تنحرق من تحت ولازم تاخد وقتها تماما يعنى مثلا عن نفسي اقوم الساعه 3 اطبخها اطفى عنها عالساعه 6 ,, فى ناس تحط كزبره بقدونس انا عن نفسي احب طعم الحب نفسو ماحب احط شي يغطي عليها

سبحان الله وبحمده

السلام عليكم

اول حاجه اذا كان الحب مو مجروش نقعيه من بعد صلاة الفجر وعلي الساعه 2حطي اللحمه بالقدر وحطي البهارات الحب كزبره كمون خلونجان شيبه قرفه فلفل اسود وحطي الشوربه وعبي القدر مويه فايره الين ماتغطي اللحم وزياده يعني ثلاثة ارباع القدروحطيه علي النار وخلي الغطاء علي جنب لانك لوقفلتلي الغطاء تزفر وتخرب عليك ودائماء خلي الغلايه مليانه مويه حاره علشان كل ربع ساعه تقلبي وتزيدي مويه طول ماانتي تشتغلي بالمطبخ خلي بالك عليها انا اركب الشربه الساعه 2 واطفي عنها الساعه 5العصر واصفيها طبعا الملح قبل لاتقفلين عنها بنص ساعه علشان يستوي اللحم تمام اذا حابه الشربه بطماطم ضيفي حبه مقطعه اول ماتحطيها علي النار وحطي حبه ليمون ناشف مع البهارات وبالعافيه