تعقيب //// طليقة زوجي

اللي سويتيه عين العقل
الله يكتبلك الاجر ويسعدك ويبارك بعمرك
اهم شي الواحد يستفيد من اخطاؤه ؛؛
يعني لاعصبتي حاولي ماتعملي ردت فعل بوقتها
اصبري واستغفري والهي نفسك
بعدين قرري ..
والله يثيبك على احسانك بالولد وعلى رجاحة عقلك

انا مو عانس وعادي لوعانس هذا رزق من الله مو انتي الي تحددينه
بس العانس افضل من زوجة الاب المتسلطه الي ماتخاف الله وناسيه ان "ربك لبالمرصاد"
وخايفه ع زوجها من حرمه بتعرس مادرت عنه
والله انتي الي شكلك ماصدقتي ع الله ولقيتي رجل يامشفوحه صرتي مثل المهبوله يوم جته رساله عاديه من ام ولده قمتي تشيلين وتحطين وعلمتي كل الحاره هذا شلون لوهي مكلمته كان انجلطتي "لزقيه بعلباك"
الي يشوفك شلون صاجتنا كان قال ماخذه واحد نازل من السماء

بعدين انا وضحتلك انتي وين كذبتي وقلتلك اذا صادقه اتقي الله بالضعيف الي عندك

بس هاذي حجة المفلس يحور المواضيع وتهجم ويسب
وهاذي اخر مره ادخل موضوعك يالعاهه

قريت موضوعك الأول والحمدلله ما رديت للأن المواضيع الي تتعلق بالأطفال والكبار انفعل فيها

يا اختي وش سبب تعبك؟؟

تدخلتي بشي ما يعنيك ؟؟ بتقولي كيف أنا ربيت وأكلت وبدلت وشريت له

الولد مش ولدك وهذا نتيجة تدخلك بشيء يخص طليقة زوجك وطليقها

هي ما غازلته هي تكلمت عن موضوع يخص ولدها ولدها يعني المعني فيه الأب والأم أما انتي بتدخلي في كل شيء يتعلق بالولد مش حلو

بالله عليك قريب تتزوج بتحط عينها على زوجك؟؟ خلاص باعته ونسته هي تفكر بولدها ومش من حقك أبدا تدخلي الا اذا كلامها تجاوز حدود طفلها لموضوع ثاني

لا تقولي أحبه وأغليه دائما البني آدم اناني أنا ما أتهمك بالأنانية طبيعي أي وحدة مكانك بتفكر بنفسها وبطفلها

يوم قالت تبي الفين قلتي كثيرة أنا بقضي لنفسي ولجنيني

فكرتي بالي ببطنك ربي يفرحك فيه بحضنك بس ما فكرتي بأخوه

لو كان ولدك بتسخسري فيه الألفين؟؟ بتقولي فداه الألفين والاربعة آلالاف

ولو كنتي فعلا تغلين الولد بتأذين نفسية أمه وبتصورين محادثاتها ؟؟ لو كان يعقل ويفهم ودرى سويتي كذا بأمه وش شعوره ؟؟
بيحبك ؟؟
ولو كنتي فعلا تحبينه ما أستخدمتيه أداة تقهرين أمه فيه لأنك فكرتي بفكرة أختك لما قالت لك خذيه معاك لزواجها وقهريها ؟؟ يعني لو ما قريتي الدعاوي والتحاسيب وخفتي وكانت الردود تشجيع لك كنتي نفذتي الفكرة

ولو كنتي فعلا تخافين من الدنيا ونصيحة لوجه الله لا تدخلين فيها ولا بولدها تربينه للأجر بس أما هي تتواصل مع زوجك عشان طفلها لو ما تدخلتي ما ندمتي وحطيتي الموضوع

الرجال يا اختي مالهم أمان كان معاها وطلقها وعنده ولد منها والحين الطفل معاك وتحت رحمتك ما تضمني الدنيا لا تحطك بموقفها ويصير ولدك تحت رحمة حرمة ثانية وتتواصلي معاها تبي تقضين له وتشهر فيك ؟؟

ترضين؟؟ تخافين من الدنيا لا تدور عليك

نصيحة أبعدي مالك دخل بالحرمة تبي ولدها عندها أخوها أو حتى لو كلمت زوجك عشان الطفل لا تدخلين نفسك لا تصيبك دعوة من دعاويها

وزوجك بصراحة ما اعتبره رجال الي يكشف كلام أم ولده الي كرامتها من كرامته ويخليك تتعدين وتشهرين فيها عند خواتك رسالة منه لك اذا صرتي بنفس موقفها زوجتي الجديدة بتعاملك نفس المعاملة

الله لا يحطك موقفها ونصيحة وصيه لا يدخلك بشؤؤن أم ولده ودائما ذكريه أم ولدك كرامتها من كرامتك مالي دخل الولد ولدها وولدك مش ولدي

أنا كلامي معارض لكلامك هل معناه تتلفظي علينا بهالكلمات ؟؟ يا اختي صلي الله على النبي واتركي عنك الشماتة

صحيح الي ردوا عليك

يا مطلقة وطليقها ماخذ عيالها وتأثرت من موضوعك وخافت لا عيالها يصيرون بأيد حرمة غيرها ما تخاف الله فيهم
الخوف من الله مش بالكلام بالتصرفات والأفعال وحتى الكلام

بكلمتك عوانس مش معناه شماتة بأنسانة ما تعرفيها ولا شي مجرد رأيها مخالف لرأيك؟؟

يمكن كنتي يوم من الأيام بنفس مكان البنت ترضي أحد يقولك هالكلمة (عانس)؟؟

لا ما ترضيها بتردي رزق من الله الله كتب اتأخر تعايري ربك؟؟

قلتي ببداية موضوعك (أخاف الله ) هل معايرة البنات بتأخر بالزواج فيها (خوف ) من الله ؟؟

هالشيء بينك وبين الله للأنك تعايري الله لأن تأخر الزواج تقدمه طلاق الأنجاب كلها أرزاق؟؟
وهذا ذنب يستوجب الإستغفار وتحللين من البنت الي وصفتيها بهالكلمة


آخر شيء أقوله ببداية موضوعك قلتي زوجي خصيمكم يوم القيامة طيب لما تلفظتي بكلمة (عوانس) البنت الي تلفظتي عليها وكل وحدة ينطبق عليها هالوصف صارت خصيمتك يوم القيامة

عن نفسي اسأل الله أن يهديك ولا تتعلقي كثير بزوجك الدنيا فانية وولده ربيه للأجر أنتي تربيه من غلا أبوه يعني لا سمح الله لو طلقك بتربي ولده أو بتربي ولدك؟؟

هالسؤال مش القصد منه الشماته لا والله القصد أبين لك ولدك الي من بطنك له غلاة وحقوق غير


استنتجت من خلال كلامك أن شخصيتك قوية وزوجك شخصيته ضعيفة وتتأثري بسرعة من الكلام سواء كان سلبي كلمة أختك قهري طليقته بحضور الزواج
أو من خلال هالموضوع لما غلطتي وقلتي هالكلمة

استغفر الله بس والله يهديك و يقومك بالسلامة

كنت بأرد على موضوعك الاول بس خفت أظلمك لأني حسيت انك طيبة ومو مقصرة مع ولد زوجك وما ذكرتي في موضوعك الاول انك متضايقه منه ومن تربيته وهذا اللي خلاني أتردد في الرد

الله يسعدك ويوفقك واضح انك محترمة وخلوقه بس الغيرة خلتك تخطئين التصرف من جد تصرفك يدل على شجاعتك الله يخلي لك ولدك اللي هو ولد زوجك ويخلي لك اللي في بطنك وربي يعوضك فيهم ويبرون فيك ولا يحرمكم من بعض يارب